भक्तपुर, भक्तपुरको गठ्ठाघरमा रहेको बिज एजुकेशन (Bizz Education) को केन्द्रीय कार्यालयमा बेलायत (UK) स्थित प्रसिद्ध हार्पर एडम्स युनिभर्सिटी (Harper Adams University) को प्रत्यक्ष सूचना सत्र (In-person Information Session) तथा अन्तर्क्रिया कार्यक्रम भव्य रूपमा सम्पन्न भएको छ।

कार्यक्रममा युनिभर्सिटीकी दक्षिण एसियाली क्षेत्र हेर्ने क्षेत्रीय अधिकृत (Regional Officer – South Asia) अरविन्दर कौर (Arvinder Kaur) को उपस्थिति रहेको थियो। बेलायतमा उच्च शिक्षा हासिल गर्न चाहने नेपाली विद्यार्थीहरूलाई युनिभर्सिटीको अध्ययन, भर्ना प्रक्रिया र सम्भावनाहरूबारे प्रत्यक्ष जानकारी गराउने उद्देश्यले उक्त कार्यक्रम आयोजना गरिएको हो।

कार्यक्रमको सुरुवातमा बिज एजुकेशनका निर्देशक (Director) राधाकृष्ण कार्कीले विश्वविद्यालयकी प्रतिनिधि अरविन्दर कौरलाई परम्परागत खादा ओढाएर हार्दिक स्वागत गर्नुभयो। निर्देशक कार्कीले बिज एजुकेशनले नेपाली विद्यार्थीहरूलाई विश्वस्तरीय युनिभर्सिटीहरूसँग जोड्दै शैक्षिक परामर्श र आवश्यक सहयोग निरन्तर प्रदान गर्दै आएको बताउनुभयो।

विश्वविद्यालयको परिचय तथा अवस्थिति बेलायतको श्रोपशायर (Shropshire) स्थित एजमण्डमा रहेको हार्पर एडम्स युनिभर्सिटी सन् १९०१ मा स्थापना भएको हो। ५५० हेक्टरभन्दा बढी क्षेत्रफलमा फैलिएको व्यावसायिक फार्म र आधुनिक अनुसन्धान केन्द्रहरूसहितको यो युनिभर्सिटी कृषि, प्रविधि, पशु विज्ञान र वातावरण व्यवस्थापनको क्षेत्रमा बेलायतको शीर्ष specialist संस्थान मानिन्छ।

मुख्य पाठ्यक्रमहरू (Best Courses) कार्यक्रममा युनिभर्सिटीका मुख्य तथा रोजगारीमुखी विषयहरूबारे जानकारी गराइएको थियो:

• कृषि तथा इन्जिनियरिङ: एग्रिकल्चरल इन्जिनियरिङ, रोबोटिक्स एण्ड अटोमेसन, मेकानिकल इन्जिनियरिङ।

• पशु तथा भेटेरिनरी विज्ञान: भेटेरिनरी बायोसाइन्स, एप्लाइड जुलोजी, जैविक भेटेरिनरी विज्ञान।

• वातावरण तथा दिगो विकास: वाइल्डलाइफ कन्जर्भेसन, वातावरणीय व्यवस्थापन, सस्टेनेबल एग्रिकल्चर।

• फूड तथा बिजनेस: फूड साइन्स एण्ड इनोभेसन, सप्लाई चेन म्यानेजमेन्ट, कृषि-व्यवसाय व्यवस्थापन।

प्रवेशका न्यूनतम योग्यताहरू (Basic Requirements)

• स्नातक (Bachelor’s): १०+२ वा सो सरहको परीक्षामा राम्रो अंक प्राप्त गरेको हुनुपर्ने (विशेष गरी विज्ञान तथा व्यवस्थापन विषयहरू)।

• स्नातकोत्तर (Master’s): मान्यता प्राप्त शिक्षण संस्थाबाट सम्बन्धित विषयमा स्नातक (३ वा ४ वर्षे) तह उत्तीर्ण।

• अंग्रेजी भाषा दक्षता: IELTS मा कम्तीमा ६.० देखि ६.५ अंक (वा सो सरहको PTE / TOEFL अंक)।

• आवश्यक कागजातहरू: शैक्षिक प्रमाणपत्रहरू, SOP (Statement of Purpose), सिफारिस पत्र (LOR), र राहदानी (Passport)।

नेपालमा बिज एजुकेशनले गठ्ठाघर, भक्तपुरबाट अन्तर्राष्ट्रिय शिक्षाका लागि परामर्श, विश्वविद्यालय आवेदन, छात्रवृत्ति मार्गदर्शन र भिसा प्रक्रियामा विद्यार्थीहरूलाई सहयोग पुर्याउँदै आएको छ।