काठमाडौं, पुतलीसडक, धौबिधारास्थित प्यासिफिक एजुकेशन एण्ड भिसा सर्भिसेस (PEVS) ले आफ्नो नयाँ ब्रान्ड पहिचान सार्वजनिक गर्दै औपचारिक रूपमा रिब्रान्डिङ सम्पन्न गरेको छ।

कार्यक्रमको उद्घाटन FECE-Nepal का अध्यक्ष राजेन्द्र बरालले गर्दै यस्ता पहलहरूले नेपालको शैक्षिक कन्सल्टेन्सी क्षेत्रको स्तर उकास्ने र अन्तर्राष्ट्रिय विश्वसनीयता बढाउने बताएका थिए। उनले नयाँ पहिचानले विद्यार्थी र साझेदारबीच थप विश्वास निर्माण गर्ने विश्वास व्यक्त गरेका थिए।

कम्पनीका अध्यक्ष सुसिल थापाले रिब्रान्डिङ केवल बाह्य परिवर्तन नभई संस्थाको नयाँ दृष्टिकोण र गुणस्तरीय सेवाप्रति प्रतिबद्धताको संकेत भएको बताएका थिए। उनले पारदर्शिता र व्यवसायिकतासहित विद्यार्थीलाई विश्वस्तरका अवसरतर्फ मार्गदर्शन गर्ने लक्ष्यलाई निरन्तरता दिने उल्लेख गरेका थिए।

कार्यक्रममा ECAN उपाध्यक्ष बसुदेव दाहाल, पूर्व अध्यक्ष दीपक गुरुङ, FECON अध्यक्ष उमेश कुशवार, विभिन्न कन्सल्टेन्सीका प्रतिनिधि, पत्रकार तथा विश्वविद्यालय प्रतिनिधिहरूको उपस्थिति रहेको थियो। सहभागी वक्ताहरूले संस्थाको योगदानको प्रशंसा गर्दै आगामी यात्राका लागि शुभकामना व्यक्त गरेका थिए।

सुसिल थापा र आस्था शाहीले अतिथिहरूलाई मायाको चिनो प्रदान गरेका थिए।

PEVS ले अष्ट्रेलिया, न्युजिल्याण्ड, अमेरिका र बेलायतका लागि काउन्सिलिङ, डकुमेन्टेसन तथा भिसा सेवासँगै IELTS/PTE तयारी कक्षा सञ्चालन गर्दै आएको छ।

कार्यक्रम उत्साहपूर्ण वातावरणमा सम्पन्न भएको थियो।