काठमाडौँ: अन्तर्राष्ट्रिय शिक्षा क्षेत्रमा २५ वर्षको उत्कृष्टता पूरा गरेको प्रतिष्ठित शैक्षिक परामर्शदाता संस्था ‘प्याक एशिया स्टडी अब्रोड’ (PAC Asia Study Abroad) ले “मल्टी-डेस्टिनेसन एजुकेशन फेयर २०२६” आयोजना गर्ने घोषणा गरेको छ। यो वृहत् मेला आगामी २०२६ मे २९ गते शुक्रबारका दिन काठमाडौँको लाजिम्पाट, उत्तरढोकास्थित मेट्रोपार्कको तेस्रो तलामा रहेको प्याक एशियाको आफ्नै कार्यालयमा आयोजना हुनेछ।

“एक दिनले तपाईंको भविष्य बदल्न सक्छ” भन्ने नाराका साथ आयोजना हुन लागेको यो एकदिने शैक्षिक मेला बिहान ११:०० बजेदेखि बेलुकी ४:०० बजेसम्म चल्नेछ। मेलामा ५ भन्दा बढी देशका १० भन्दा बढी ख्यातिप्राप्त विश्वविद्यालयहरूलाई एउटै छानामुनि प्रस्तुत गरिने आयोजकले जनाएको छ।

विदेशमा उच्च शिक्षा हासिल गर्न चाहने नेपाली विद्यार्थीहरूका लागि यो मेला एउटा उत्कृष्ट अवसर हुनेछ। मेलामा सहभागी हुने विद्यार्थीहरूले विभिन्न अन्तर्राष्ट्रिय विश्वविद्यालयका प्रतिनिधिहरूसँग प्रत्यक्ष भेटघाट गरी कोर्स, कलेजको वातावरण र भर्ना प्रक्रियाबारे जानकारी लिन सक्नेछन्। यसका साथै, विद्यार्थीहरूले दक्ष परामर्शदाताहरूबाट वान-अन-वान (व्यक्तिगत) काउन्सिलिङ र छात्रवृत्तिका अवसरहरूका बारेमा विस्तृत जानकारी प्राप्त गर्न सक्नेछन्।

मेलाका लागि हाल बुकिङ खुला गरिएको छ। इच्छुक विद्यार्थी तथा अभिभावकहरूले थप जानकारी वा दर्ताका लागि फोन वा ह्वाट्सएप नम्बर +९७७-१-४५४६३८३ वा हटलाइन नम्बर ९८०-१२२१८८८ मा सम्पर्क गर्न सक्नेछन्।