वीरगञ्ज–१५, विश्वा, पर्सामा अवस्थित साउथ सिटी कलेज अफ साइन्स एण्ड टेक्नोलोजी काठमाडौं विश्वविद्यालय (KU) बाट सम्बन्धन प्राप्त शैक्षिक संस्था हो। विज्ञान तथा सूचना प्रविधि क्षेत्रमा गुणस्तरीय उच्च शिक्षा प्रदान गर्ने उद्देश्यका साथ स्थापित यो कलेज मधेस प्रदेशमा प्रविधिमैत्री शिक्षा प्रवर्द्धन गर्दै अगाडि बढिरहेको छ।

कलेजले ब्याचलर अफ टेक्निकल एजुकेशन इन इन्फर्मेसन टेक्नोलोजी (B.Tech. Ed. in IT) / ब्याचलर अफ इन्फर्मेसन टेक्नोलोजी (BIT) को दोहोरो डिग्री कार्यक्रम सञ्चालन गर्ने भएको छ। यो कार्यक्रम सूचना प्रविधिमा बलियो प्राविधिक ज्ञानसँगै शिक्षण तथा प्रशिक्षण क्षमताको विकास गर्न केन्द्रित छ, जसले विद्यार्थीलाई उद्योग र शैक्षिक दुवै क्षेत्रमा प्रतिस्पर्धी बनाउने लक्ष्य राखेको छ।

साउथ सिटी कलेजमा व्यवहारिक तथा सीपमूलक शिक्षालाई विशेष प्राथमिकता दिइन्छ। सफ्टवेयर विकास, वेब तथा मोबाइल एप्लिकेसन विकास, एन्ड्रोइड र आईओएस एप, डाटाबेस व्यवस्थापन, बिग डाटा तथा नयाँ प्रविधिहरूमा आधारित प्रयोगात्मक अध्ययन कलेजको प्रमुख शैक्षिक विशेषता हुन्। आधुनिक कम्प्युटर ल्याब, प्रोजेक्ट–आधारित अध्ययन र प्रस्तुति अभ्यासमार्फत विद्यार्थीलाई वास्तविक कार्यक्षेत्रका लागि तयार गरिन्छ।

यस कलेजबाट स्नातक भएका विद्यार्थीहरूले सफ्टवेयर डेभलपर, वेब डेभलपर, एन्ड्रोइड/आईओएस डेभलपर, बिग डाटा इन्जिनियर, एडटेक इन्जिनियर तथा TVET आईटी प्रशिक्षक जस्ता विभिन्न पेशागत अवसरहरू प्राप्त गर्न सक्नेछन्। दोहोरो डिग्री संरचनाले सूचना प्रविधिसँगै शिक्षण क्षेत्रमा करिअर बनाउन चाहने विद्यार्थीका लागि विशेष अवसर सिर्जना गरेको कलेजको भनाइ छ।

शैक्षिक कार्यक्रमसँगै साउथ सिटी कलेजले सेमिनार, वर्कसप, करिअर काउन्सेलिङ तथा प्रविधिमूलक कार्यक्रमहरूमा सक्रिय सहभागिता जनाउँदै आएको छ। यस्ता गतिविधिहरूले विद्यार्थीलाई उद्योगको आवश्यकता, प्रविधिको विकास र भविष्यका करिअर सम्भावनाबारे स्पष्ट बुझाइ प्रदान गर्ने विश्वास कलेजले लिएको छ।

यसै सन्दर्भमा कलेजले आई.टी. शैक्षिक मेला २०८२ (Career Mela) मा विद्यार्थी, अभिभावक तथा सरोकारवालालाई सहभागी भई कलेजका कार्यक्रम, प्रवेश प्रक्रिया र करिअर सम्भावनाबारे प्रत्यक्ष जानकारी लिन आग्रह गरेको छ। सूचना प्रविधि क्षेत्रमा भविष्य निर्माण गर्न चाहने विद्यार्थीका लागि यो मेला महत्वपूर्ण अवसर हुने कलेजले जनाएको छ।

News in English

South City College of Science and Technology to Showcase Programs and Career Pathways at IT Educational Fair 2026