काठमाडौँ, भीएस निकेतन कलेजमा VSSOM Club (VS Niketan Student Organization of Management) द्वारा आयोजित बीबीए इन्टरप्रेन्योर फेट २०२६ फेब्रुअरी ६, २०२६ का दिन भव्य रूपमा सम्पन्न भएको छ। विद्यार्थी–नेतृत्वमा आयोजित यस कार्यक्रमले उद्यमशीलता, नवप्रवर्तन र व्यवहारिक शिक्षालाई प्रवर्द्धन गर्ने उद्देश्य बोकेको थियो।

कार्यक्रमको औपचारिक उद्घाटन संस्थापक अध्यक्ष श्रीमती उर्मिला पोखरेल द्वारा रिबन काटेर गरिएको थियो। कार्यक्रममा संस्थापक निर्देशक डा. बाबिन पोखरेल विशेष रूपमा उपस्थित भई सम्पूर्ण गतिविधिहरू अवलोकन गर्नुभयो र विद्यार्थीहरूको सिर्जनशीलता तथा उद्यमशील सोचको प्रशंसा गर्नुभयो।

बीबीए विद्यार्थीहरूले सञ्चालन गरेका विभिन्न खाद्य स्टलहरू कार्यक्रमको मुख्य आकर्षण बने, जहाँ उनीहरूले उत्पादन विकास, मूल्य निर्धारण, ब्रान्डिङ, बिक्री तथा ग्राहक व्यवस्थापनजस्ता सीपहरू व्यवहारिक रूपमा प्रस्तुत गरे। यसका साथै प्रत्यक्ष संगीत तथा मनोरञ्जनात्मक कार्यक्रमहरूले कलेज परिसरलाई उत्सवमय बनाएको थियो।

बीबीए इन्टरप्रेन्योर फेट केवल मनोरञ्जनात्मक कार्यक्रम मात्र नभई कक्षा कोठामा सिकेका ज्ञानलाई व्यवहारमा उतार्ने प्रभावकारी प्लेटफर्मका रूपमा स्थापित भयो। यसले विद्यार्थीहरूमा नेतृत्व क्षमता, टोली कार्य, निर्णय क्षमता तथा व्यवसायिक आत्मविश्वास विकास गर्न सहयोग पुर्‍याएको देखियो।

कार्यक्रमको समापन सत्रमा VS Niketan College की BBA कोअर्डिनेटर श्रीमती सोनम जालानले धन्यवाद ज्ञापन गर्दै VSSOM क्लब, सहभागी विद्यार्थी, शिक्षक–शिक्षिका तथा सहयोगी सबैप्रति आभार व्यक्त गर्नुभयो।

VSSOM Club ले प्रतिभा खोज, खेलकुद सप्ताहलगायत विभिन्न अतिरिक्त क्रियाकलापमार्फत बीबीए विद्यार्थीहरूको सर्वाङ्गीण विकासमा निरन्तर योगदान दिँदै आएको छ।