हाम्रो राष्ट्र
टर्कीको मध्य शहर कोन्यामा अस्थायी आश्रयस्थलमा रहेका सात जना भूकम्प पीडितको आगलागीमा मृत्यु भएको छ । यही फेब्रुअरी ६ मा आएको शक्तिशाली भूकम्पबाट बाँचेका ती व्यक्तिहरूले आगलागीमा परी ज्यान गुमाएका छन् ।
मारिएका सात जना सिरियाली परिवारका सदस्यहरू रहेको बताइएको छ । अनाडोलु एजेन्सीले प्रत्यक्षदर्शीलाई उदृत गर्दै सम्भवतः रातको समयमा विद्युतीय हिटर वा स्टोभमा आएको खराबीका कारण आगो लागेको हुन सक्ने बताएको छ ।
सन् २०११ मा अरब देशमा गृहयुद्ध शुरु भएपछि लाखौं सिरियाली शरणार्थीहरू हाल टर्कीमा बसिरहेका छन् ।
टर्कीका अधिकांश सिरियालीहरू गरिबीमा बाँचिरहेका छन् । भर्खरै गएको भूकम्पले उनीहरूको पहिलेदेखि नै पीडादायी जीवनमा थप तनाव थपेको छ । फेब्रुअरी ६ मा शक्तिशाली दुईवटा भूकम्पका कारण दक्षिणी टर्कीमा ४० हजारभन्दा बढी मानिसहरूले ज्यान गुमाएका थिए ।
© 2026 All right reserved to hamrorastra.com | Site By : SobizTrend
