हाम्रो राष्ट्र
विश्व स्वास्थ्य सङ्गठन (डब्ल्युएचओ) ले सोमालियाको सोमालील्याण्ड क्षेत्रको एक स्वास्थ्य कार्यालयमा भएको आक्रमणको निन्दा गरेको छ । उत्त स्थानमा भएको आक्रमणमा स्वास्थ्यकर्मी र बिरामीसहित दर्जनौं मारिएका छन् ।
“स्वास्थ्य सेवा प्रणाली पहिलेदेखिनै नै नाजुक भएको अवस्थामा, स्वास्थ्य सेवामा भएको पछिल्लो आक्रमणले स्वास्थ्यकर्मी र उनीहरूले बचाउन सक्ने बिरामीको ज्यान गुमाउनेभन्दा पनि विनाशकारी परिणामहरू निम्त्याउँछ,” सोमालियाका लागि डब्ल्यूएचओ प्रतिनिधि मामुनुर रहमान मलिकले एक विज्ञप्तिमा भनेका छन् ।
डब्ल्यूएचओले स्वास्थ्य सेवा तथा स्वास्थ्यकर्मीहरूको सुरक्षा गर्न र द्वन्द्वमा संलग्न भए पनि सबैको लागि स्वास्थ्य सेवामा पहुँच सुनिश्चित गर्न अपील गरेको छ । साथै उक्त निकायले अतिवादी हमलामा मारिएका र घाइते भएका स्वास्थ्यकर्मीहरूका परिवारप्रति गहिरो समवेदना प्रकट गरेको छ ।
© 2026 All right reserved to hamrorastra.com | Site By : SobizTrend
