हाम्रो राष्ट्र
पश्चिम अफ्रिकी नेताहरूले नाइजरमा निर्वाचित राष्ट्रपतिलाई कब्जा गरी गरिएको ‘कू’ बाट स्थापित सैन्य प्रशासनलाई सत्ता छोड्न एक हप्ताको समय दिएका छन् । उनीहरूले प्रजातान्त्रिक पद्धतिबाट निर्वाचित नेतालाई ‘बल प्रयोग’ गरी गरिएको सैन्य विद्रोहलाई इन्कार गर्ने चेतावनी दिँदै तत्काल आर्थिक प्रतिबन्ध लगाउने बताएका छन् ।
पन्ध्र सदस्यीय इकोनोमिक कम्युनिटी अफ वेस्ट अफ्रिकन स्टेट्स (इकोवास) ले निर्वाचित राष्ट्रपति मोहम्मद बाजुमलाई तत्काल रिहा र पुनर्बहाली गर्न पनि माग गरेको छ । एक हप्ताभित्र अधिकारीहरूको माग पूरा नभएमा इकोवासले नाइजरमा संवैधानिक व्यवस्था बहाल गर्न आवश्यक सबै उपायहरू अबलम्बन गर्ने र यस्ता उपायहरूमा बल प्रयोग समावेश हुन सक्ने बताए । यस निर्णयका लागि इकोवासका ‘चिफ अफ डिफेन्स स्टाफ’को तत्काल बैठक बस्न लागेको छ ।
© 2026 All right reserved to hamrorastra.com | Site By : SobizTrend
