हाम्रो राष्ट्र
सिङ्गापुरका राष्ट्रपति हलिमाह याकोबले सोमबार राष्ट्रका नाममा सन्देश दिँदै देशलाई अगाडि बढाउन थप लचिलो अर्थतन्त्र निर्माण गर्न र सामाजिक सद्भाव कायम गर्न आह्वान गरेकी छन् ।
उनले तीव्र प्राविधिक परिवर्तनबाट उत्पन्न हुने अभूतपूर्व चुनौतीहरूको बीचमा सिङ्गापुरको आर्थिक सफलता सुनिश्चित गर्न मूल्य थप्ने र संसारसँग समयानुकूल रहन सक्ने क्षमतामा सुधार गर्न जोड दिएकी छन् ।
शहर प्रदेशमा सामाजिक गतिशीलता सुस्त हुँदै गएकामा चिन्ता व्यक्त गर्दै उनले शिक्षामा सुधार गर्न र उच्च आम्दानीको खाडल अन्त्य गर्ने प्रतिवद्धता आवश्यक रहेको बताएकी छन् । उनले सिङ्गापुरका जनतालाई समृद्ध र विविधतायुक्त समाजको कदर गर्न आह्वान पनि गरेकी छन् । विश्वभर जातिवाद र असहिष्णुता बढ्दै गएकामा उनले चिन्ता व्यक्त गरेकी छन् ।
सिङ्गापुरले अगस्ट ९ मा आफ्नो ५८औँ राष्ट्रिय दिवस मनाउँछ । राष्ट्रपति याकूबको राष्ट्रपतिको कार्यकाल आउँदो सेप्टेम्बरमा समाप्त हुँदैछ ।
© 2026 All right reserved to hamrorastra.com | Site By : SobizTrend
