हाम्रो राष्ट्र
लातभियाका प्रधानमन्त्री क्रिसजानिस करिन्सले गठबन्धन साझेदारहरूसँगको मतभेदबीच राजीनामा दिने घोषणा गरेका छन् । उनले केन्द्रवादी युनाइटेड लिस्ट र कन्जरभेटिभ नेशनल एलायन्सलाई सरकारको कार्यसम्पादन सुधार गर्ने प्रयासलाई असफल बनाएको आरोप लगाएका छन् ।
नयाँ सरकारको आवश्यकता रहेको बताउँदै करिन्सले पत्रकार सम्मेलनमा राष्ट्रपति एडगर्स रिन्केभिक्सलाई आफ्नो राजीनामा बिहीबार बुझाउने उल्लेख गरेका छन् ।
साथै उनले आफूले प्रधानमन्त्रीको रूपमा पुनः नियुक्ति नचाहेको बताएका छन् । गत हप्ता उनले दुई विपक्षी दलहरू– केन्द्र–वाम प्रगतिशील र केन्द्रवादी ग्रीन्स एन्ड फार्मर्ससँग नयाँ मन्त्रिपरिषद् गठनका लागि परामर्श सुरु गर्ने घोषणा गरेपछि यो कदम आएको हो । गत वर्षको संसदीय निर्वाचनमा न्यू युनिटीले जीत हासिल गरेपछि करिन्सले झिनो बहुमतका साथ तीन दलको सरकार बनाउन सफल भएका हुन् ।
© 2026 All right reserved to hamrorastra.com | Site By : SobizTrend
