हाम्रो राष्ट्र
पाकिस्तानका पूर्वप्रधानमन्त्री इमरान खानलाई थुनामा पठाउने तल्लो अदालतको फैसलालाई उच्च अदालतले उल्ट्याइदिएको छ । इस्लामावाद उच्च अदालतले इमरान खानविरुद्ध सुनाइएको सजायमाथि रोक लगाउँदै धरौटीमा छाड्न आदेश दिएको हो ।
सोमबार इस्लामाबाद उच्च अदालतका मुख्य न्यायाधीश अमिर फारूक र न्यायाधीश मेहमूद जहाँगिरीको इजलासले खानको पुनरावेदनमा सुनुवाइ गर्दै ट्रायल कोर्टको फैसला उल्ट्याएको हो ।
खानका कानुनी सहयोगी नइम हैदर पन्जोथाले समेत आफूहरूको आग्रह अदालतबाट स्वीकार गरिएको बताएका छन् । खानलाई गत अगस्ट ५ मा तोशाखाना भ्रष्टाचार मुद्दामा दोषी ठहर गर्दै इस्लामाबाद ट्रायल कोर्टले ३ वर्ष जेल सजाय सुनाएको थियो । अदालतको उक्त आदेशसँगै खानलाई लाहोरस्थित निवासबाट पक्राउ गरिएको थियो ।
अदालतले सरकारमा हुँदा प्राप्त गरेको उपहार बिक्री गर्दा पाएको रकमको जानकारी नगराएको भ्रष्टाचार मुद्दामा तीन वर्ष जेल सजाय सुनाएको थियो ।
© 2026 All right reserved to hamrorastra.com | Site By : SobizTrend
