ललितपुर: ललितपुर महानगरपालिका वडा नं १९ को आयोजना तथा फिडे वर्ल्ड चेसको तत्वावधानमा भएको वडा कप खुल्ला रापिड रेटिङ बुद्धिचाल प्रतियोगिता शनिबार सम्पन्न भएको छ।

दोलखाका आशिष फूँयालले ८ अंक जोड्दै उपाधि जितेका छन्। नवौं चरणमा सिएम सजिन महर्जनविरुद्ध कठिन जित दर्ता गर्दै उनले नगद १५ हजार, ट्रफी, मेडल र प्रमाणपत्र हात पारे।

द्वितीय स्थान धरानका मुहान नरसिंह श्रेष्ठले ७.५ अंक सहित प्राप्त गर्दै नगद १० हजार पाएका छन्। समान अंकका साथ भक्तपुरका निकेन कुसाथा तृतीय भए (नगद ८ हजार)। चौथो र पाँचौं क्रमशः सिएम सजिन महर्जन र सुरज महर्जन रहे।

समान ७ अंक बनाउने अन्य खेलाडीहरूमा मकवानपुरका एफएम क्षितिज भण्डारी, काठमाडौँका बद्रीलाल नेपाली, पाँचथरका रिसोन थापा, काठमाडौँका सिएमए केशव श्रेष्ठ, स्याङ्जाका आकाश सुवेदी रहेका छन्।

विभागीय पुरस्कारहरू:

• महिलामा: झापाली पुनम प्रसाईं प्रथम, कृतिशारा अधिकारी द्वितीय
• उत्कृष्ट नयाँ खेलाडी: चितवनका सत्यम शर्मा प्रथम, पोखराका आयुष भण्डारी द्वितीय
• उत्कृष्ट सिनियर: काठमाडौँका सीएम नवीन तण्डुकार प्रथम, सीएम भगवती प्रसाद शर्मा द्वितीय
• उत्कृष्ट युवा-१६: मोरङका कशिभ कार्की प्रथम, काठमाडौँका सुभनदीप थापा द्वितीय
• युवा-१४: भक्तपुरका प्रत्युस श्रेष्ठ प्रथम, साँखुका सोहम श्रेष्ठ द्वितीय
• युवा-१२: भक्तपुरका हृदय बस्नेत प्रथम, ललितपुरका सोयस राई द्वितीय
• उत्कृष्ट रेटिङ १८ सय मुनि: भक्तपुरका प्रेम खड्का प्रथम, पोखराका शिशिर तिवारी द्वितीय
• रेटिङ १६ सय मुनि: ललितपुरका श्रीयस दाहाल प्रथम, बनेपाका राजन बजगाईं द्वितीय
• उत्कृष्ट स्थानीय: प्रलेस महर्जन प्रथम, विजय महर्जन दोस्रो, रौतहटका मुकेश बर्मा तृतीय

पुरस्कार वितरण कार्यक्रम पाटनको रातो मच्छिन्द्रनाथ बहालमा सम्पन्न भएको थियो। प्रमुख अतिथि उपमेयर मन्जली शाक्य बज्राचार्यले विजेतालाई नगद १ लाख १ हजार प्रदान गरे। कार्यक्रममा वडा अध्यक्ष राजेन्द्र महर्जनको सभापतित्वमा नेपाल बुद्धिचाल महासंघका प्रवक्ता राजु ताम्राकार, खेल संयोजक बिरेन्द्र ताम्राकार, प्रविन श्रेष्ठ, निर्मला खड्गी लगायतको उपस्थिति रहेको थियो।