काठमाडौं – नेपालका अन्तर्राष्ट्रिय शिक्षा प्रवर्द्धक प्रतिनिधिहरूको साझा संस्था International Education Representatives’ Initiative of Nepal (IERIN) को १२औँ वार्षिक साधारण सभा (AGM) २०२६ फेब्रुअरी १३ तारिख, शुक्रबार काठमाडौंमा सफलतापूर्वक सम्पन्न भएको छ।

सभा Aranya Boutique Hotel मा आयोजना गरिएको थियो। दिउँसो २ः३० बजेबाट दर्ता तथा स्वागत (चिया/कफी) कार्यक्रमसहित सुरु भएको कार्यक्रम ३ः०० बजे औपचारिक रूपमा राष्ट्रिय गानसँगै प्रारम्भ भएको थियो। कार्यक्रमको सञ्चालन सचिव मञ्जु धमाला थापाले गर्नुभएको थियो।

साधारण सभाको स्वागत मन्तव्य संस्थाकी उपाध्यक्ष  रमा कडेलले व्यक्त गर्नुभयो। त्यसपछि अध्यक्षीय मण्डलद्वारा पानसमा दीप प्रज्वलन गरिएको थियो, जसमा हेमन्त भट्टराई, उत्तम प्रसाद पन्त, एस.के. श्रेष्ठ तथा नारायण बजाज सहभागी रहनुभयो।

कार्यक्रममा महासचिव योगेश क्षेत्रीले संस्थाको वार्षिक प्रगति प्रतिवेदन प्रस्तुत गर्नुभयो भने कोषाध्यक्ष देवराज थापाले आर्थिक वर्ष २०८२/८३ को वित्तीय प्रतिवेदन पेश गर्नुभयो। साथै सल्लाहकार नारायण बजाजले संस्थागत सल्लाह तथा सुझावहरू प्रस्तुत गर्नुभयो। सभाले नयाँ लेखापरीक्षक नियुक्त गर्ने निर्णयसमेत गरेको छ।

साधारण सभामा संस्थाका संस्थापक अध्यक्ष (२०१४–१६) उत्तम प्रसाद पन्त, पूर्व अध्यक्ष (२०२०–२२) मनोज पराजुली, नारायण बजाज र एस.के. श्रेष्ठले IERIN को स्थापना, यात्रा, उपलब्धि र भविष्यका सम्भावनाबारे आ–आफ्ना धारणा राख्नुभएको थियो।

कार्यक्रमको क्रममा सदस्यहरूलाई प्रमाणपत्र वितरण गरिएको थियो। त्यसपछि विधानसम्बन्धी विषयमा सदस्यहरूका लागि खुला छलफल सत्र सञ्चालन गरिएको थियो। अध्यक्ष हेमन्त भट्टराईले समापन मन्तव्य व्यक्त गर्दै संस्थालाई अझ प्रभावकारी र उत्तरदायी बनाउँदै लैजाने प्रतिबद्धता व्यक्त गर्नुभयो।

पूर्व अध्यक्ष मनोज पराजुली (IPP) ले धन्यवाद ज्ञापन गरेपछि १०–१५ मिनेटको विश्राम लिइएको थियो। विश्रामपछि नयाँ कार्यसमिति गठन गरिएको घोषणा गरियो।

IERIN को १२औँ वार्षिक साधारण सभा : नयाँ कार्यसमिति चयन

International Education Representatives’ Initiative of Nepal (IERIN) को १२औँ वार्षिक साधारण सभाबाट नयाँ कार्यसमिति चयन गरिएको छ। नयाँ नेतृत्वले संस्थालाई अझ व्यावसायिक, पारदर्शी र प्रभावकारी बनाउने प्रतिबद्धता व्यक्त गरेको छ।

संस्थाको अध्यक्ष पदमा योगेश क्षत्री, Edu Bridge का प्रतिनिधि चयन हुनुभएको छ। अध्यक्ष क्षत्रीले IERIN लाई संस्थागत सुदृढीकरण र अन्तर्राष्ट्रिय शिक्षा प्रवर्द्धनतर्फ अघि बढाउने लक्ष्य राखेका छन्।

Immediate Past President को जिम्मेवारी हेमन्त भट्टराई (भट्टराई), Mentor Institute (P) Ltd. का प्रतिनिधिले सम्हाल्नुभएको छ।

उपाध्यक्ष पदमा मन्जु धमला थापा (थापा), Humboldt Educational Consultancy Pvt. Ltd. की प्रतिनिधि चयन हुनुभएको छ। उहाँले संस्थाको सञ्चार र समन्वयमा महत्वपूर्ण योगदान दिनुहुने अपेक्षा गरिएको छ।

महासचिव पदमा देवराज थापा (थापा), Magnificent Education & IT Services का प्रतिनिधि चयन हुनुभएको छ। सचिव पदको जिम्मेवारी लक्ष्मण योंजन (योंजन), Eminent Educational Institute का प्रतिनिधिले सम्हाल्नुभएको छ भने कोषाध्यक्ष पदमा कृष्णराज पोख्रेल (पोख्रेल), Trans Globe Education Pvt. Ltd. का प्रतिनिधि चयन हुनुभएको छ।

कार्यसमितिका कार्यकारी सदस्यहरूमा सुजाता शेर्पा (शेर्पा) – Study Square, ओम प्रकाश उपाध्याय (उपाध्याय) – Om’s Abroad Consult (OAC), राकेश श्रेष्ठ (श्रेष्ठ) – Access Education Network, र शशांक पौडेल (पौडेल) – Nepal Education Consultancy रहेका छन्।

IERIN को नयाँ कार्यसमितिले नेपालमा अन्तर्राष्ट्रिय शिक्षा क्षेत्रको प्रवर्द्धन र संस्थागत क्षमता अभिवृद्धि गर्ने लक्ष्यसहित काम अगाडि बढाउने विश्वास व्यक्त गरेको छ।