हाम्रो राष्ट्र
काठमाडौँ – नेपाल-तिब्बत सीमा क्षेत्रनजिकै उत्तरी नेपालमा भीषण बाढी तथा पहिरोका कारण भएको ठूलो जनधनको क्षतिप्रति पाकिस्तानका राष्ट्रपति आसिफ अली जरदारीले गहिरो दु:ख व्यक्त गर्नुभएको छ।
सामाजिक सञ्जालमार्फत सन्देश जारी गर्दै राष्ट्रपति जरदारीले प्राकृतिक विपत्तिबाट प्रभावित परिवारजनप्रति हार्दिक समवेदना व्यक्त गर्नुभएको छ। उहाँले यस संकटको घडीमा नेपाल सरकार र नेपाली जनताप्रति पाकिस्तानको पूर्ण ऐक्यबद्धता रहेको उल्लेख गर्नुभएको छ। साथै, राष्ट्रपति जरदारीले बाढीपहिरोमा परी घाइते भएकाहरूको शीघ्र स्वास्थ्य लाभको कामना गर्दै बेपत्ता व्यक्तिहरूको सुरक्षित उद्धारका लागि प्रार्थना गर्नुभएको छ।
© 2026 All right reserved to hamrorastra.com | Site By : SobizTrend
