हाम्रो राष्ट्र
काठमाडौं । राष्ट्रिय स्वतन्त्र पार्टीले सरकारलाई दिएको समर्थन फिर्ता लिएको छ । शुक्रबार बसेको केन्द्रीय समिति र संसदीय दलको संयुक्त बैठकले विश्वासको समर्थन फिर्ता लिने निर्णय गरेको हो । सरकारसँग रास्वपाले चारवटा सर्त राखेको थियो । तर सर्त पूरा नहुने भएपछि सरकारलाई दिएको समर्थन मत फिर्ता लिने निर्णय गरेको हो ।
गत ६ चैतमा दोस्रोपटक प्रधानमन्त्री पुष्पकमल दाहाल प्रचण्डलाई रास्वपाले विश्वासको मत दिएको थियो । १० पुसको गठबन्धनमा एमालेसँगै रास्वपा उपप्रधानमन्त्री लिएर सरकारमा सहभागी भएको थियो । तर नागिरकता प्रकरणमा पार्टी सभापति रवि लामिछानेले पद गुमाएपछि मन्त्रीलाई फिर्ता बोलाएको थियो । सरकारलाई दिएको समर्थन भने कायमै राखेको थियो ।
© 2026 All right reserved to hamrorastra.com | Site By : SobizTrend
