हाम्रो राष्ट्र
काठमाडौं । नेकपा माओवादी केन्द्रले नक्कली भुटानी शरणार्थी प्रकरणमा मुछिएका पार्टी सचिव टोपबहादुर रायमाझीलाई कानुनी दायरमा ल्याउन सहयोग गर्न आग्रह गरेको छ ।
आइतबारको प्रतिनिधिसभा बैठकमा नेकपा माओवादी केन्द्रका सांसद माधव सापकोटाले रायमाझीलाई कानुनी दायरामा ल्याउन आग्रह गरेका हुन् । प्रधानमन्त्री पुष्पकमल दाहाल प्रचण्डले गरेका कामहरूलाई खिसिट्युरी’नगर्न समेत चेतावनी दिएका छन् ।
उनले भने, ‘प्रमुख प्रतिपक्षका साथीहरूले छापामार शैलीमा आफ्ना कुराहरु राख्नुभयो त्यसका लागि धन्यवाद । प्रमुख प्रतिपक्ष साँच्चै भ्रष्टाचारीलाई कारबाही गर्न चाहने हो भने विषयान्तर नगर्नुस् । सम्माननीय प्रधानमन्त्रीज्यूले गर्नुभएको कामहरुलाई जे खिसिट्युरी गरिराख्नुभएको छ, तपाईंहरुलाई नै त्यसले नाङ्गो बनाइराखेको छ।’
उनले रायमाझीलाई कानुनको दायरामा ल्याएर बुझाउनुनै एमालेका लागि कल्याण हुने बताए । उनले भने, ‘टोपबहादुर रायमाझीलाई ल्याएर कानुनको दायरामा बुझाउनुस्, त्यसैमा तपाईंहरुको कल्याण हुनेछ।’
© 2026 All right reserved to hamrorastra.com | Site By : SobizTrend
