हाम्रो राष्ट्र
काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देनले नक्कली भटानी शरणार्थी प्रकरणको कुनै पनि दोषी जोगाउने काम सरकारले नगर्न खबरदारी गरेका छन् ।
बुधबारको प्रतिनिधिसभा बैठकमा अध्यक्ष लिङ्देनले नक्कली भुटानी शरणार्थी प्रकरणबारे सदनलाई जानकारी गराउनुपर्ने माग गर्दै सरकारको नाममा रुलिङ जारी गर्न माग गरे ।
लिङदेनले शीर्ष नेताहरू भेट्दासमेत जनतामा कारबाही कमजोर बनाउन भएको हो कि भन्ने शंका बढेको बताए । उनले भने,’नक्कली शरणार्थी प्रकरणको अनुसन्धानमा कति प्रगति भएको छ, कारबाही प्रक्रिया कहाँ पुग्यो संसद्लाई जानकारी गराउन माग गर्छु । यसमा सभामुखबाट रूलिङ होस् ।’
उनले देशको गरिमा अन्तर्राष्ट्रियस्तरसम्म झुकेको भन्दै दोषीलाई उन्मुक्ति दिने र कमजोर बनाउने काम नगर्न अनुरोध गरे । उनले यसमा पूर्वउपप्रधानमन्त्री, गृहमन्त्रीहरुको नाम जोडिएर आउनु लज्जास्पद भएको बताए । उनले यो प्रकरण पछिल्लो समय अख्तियारलाई बुझाउने हो कि भन्ने तर्कहरु आउन थालेका भन्दै उनले यस्ता गल्ती नगर्न आग्रह गरे ।
© 2026 All right reserved to hamrorastra.com | Site By : SobizTrend
