हाम्रो राष्ट्र
काठमाडौं । चार दिने भारत भ्रमण पूरा गरी प्रधानमन्त्री पुष्पकमल दाहाल प्रचण्ड स्वदेश फर्किएका छन्। शनिबार साँझ प्रधानमन्त्री नेपाल वायु सेवा निगमको विमानबाट स्वदेश फर्किएका हुन् ।
गत बुधबार भारत भ्रमणमा गएका प्रधानमन्त्री प्रचण्डले भ्रमणका क्रममा ऊर्जा व्यापार सम्झौतालगायत विभिन्न सम्झौता तथा समझदारी गरेका छन्। भारतीय प्रधानमन्त्री नरेन्द्र मोदीसँग उनले प्रतिनिधिमण्डलस्तर र एक्ला एक्लै पनि भेटवार्ता गरेका थिए ।
त्यस्तै उनले भारतको इन्दोरमा फोहोर व्यवस्थापन प्रणालीको पनि अवलोकन गरेका थिए। प्रधानमन्त्रीले भारत भ्रमणको क्रममा नेपाली समुदायसँग भेट गर्नुका साथै भारतका निजी क्षेत्रका प्रतिनिधिसँग पनि भेटवार्ता गरेका थिए । प्रधानमन्त्री प्रचण्डलाई भारतीय विदेश राज्यमन्त्री मिनाक्षी लेखीले इन्दिरा गान्धी अन्तर्राष्ट्रिय विमानस्थलमा शनिबार साँझ बिदाई गरेकी थिइन्।
© 2026 All right reserved to hamrorastra.com | Site By : SobizTrend
