हाम्रो राष्ट्र
काठमाडौं । मनाङ एयरको हेलिकोप्टर दुर्घटनामा परी ज्यान गुमाएका ६ जनाकै शव काठमाडौं ल्याइएको छ। मंगलबार साँझ सबैको शव काठमाडौं ल्याइएको हो । शव अहिले पोष्टमार्टमका लागि त्रिवि शिक्षण अस्पताल लगिएको छ । मंगलबार बिहान १० बजेर ५ मिनेटमा सोलुखुम्बुको सुर्केबाट काठमाडौंका लागि उडेको हेलिकोप्टर दुर्घटनामा परेको थियो ।
हेलिकप्टर लिखुपिके गाउँपालिका–५को लामजुरा क्षेत्रमा दुर्घटनाग्रस्त अवस्थामा फेला परेको थियो । दुर्घटनाग्रस्त हेलिकोप्टरमा एक नेपाली पाइलट र पाँच मेक्सिकन यात्रु थिए। उनीहरु सबैको मृत्यु भएको छ ।
मृत्यु हुनेमा पाइलट चेतबहादुर गुरुङ छन्। त्यस्तै मेक्सिन यात्रुहरुमा सीफुन्टस जी फरान्डो, गोन्जालेज अर्बिक, गोन्जालेज ओलासियो लुज, सिफुन्टस जी मारिया जोस र रिनकोन स्माइल छन् ।
© 2026 All right reserved to hamrorastra.com | Site By : SobizTrend
