हाम्रो राष्ट्र
काठमाडौं । नेकपा एमालेका अध्यक्ष केपी शर्मा ओलीले माओवादीसँग एकता भनिएपनि कहिल्यै एकता नभएको बताएका छन् । शुक्रबार जनसंगठन समन्वय संयन्त्रको बैठकलाई सम्बोधन गर्दै अध्यक्ष ओलीले नेकपा निर्माणपछि पनि प्रचण्डले माओवादी पार्टी जिवितै राखेर बैठक चलाएको बताए । उनले दुई पार्टी एकता हुँदा माओवादी एमालेको खाएको र हिसावकिताब नबुझाएको आरोप लगाए ।
उनले भने, ‘प्रचण्डले कहिल्यै हिसाब बुझाएनन् । एमालेको रकम लिए, खाए पिए सबै गरे ।’ अध्यक्ष ओलीले ओलीले कांग्रेस अहिले माओवादीको इसारामा चलेको आरोप लगाए ।
कांग्रेस माओवादीको ढाकर बोकेर हिँडेको आरोप लगाउँदै अध्यक्ष ओलीले भने, ‘कांग्रेस माओवादीको ढाकर बोक्याछ । प्रधानमन्त्री पुष्पकमल दाहालजीले कांग्रेसको कान समातेर डोर्याएको अवस्था हो । जित्ने कांग्रेसको भाग्य पनि थियो अलिकति । तर अब कठैबरा मात्र भन्न सकिन्छ।’
उनले कांग्रेस लोकतन्त्रको पक्षमा उभिन नसकेको र भ्रष्टाचारविरुद्ध पनि उभिन नसकेको आरोप लगाए ।
© 2026 All right reserved to hamrorastra.com | Site By : SobizTrend
