हाम्रो राष्ट्र
काठमाडौं । प्रधानमन्त्री पुष्पकमल दाहाल प्रचण्डले नेपाली क्रिकेट टीमलाई जितका लागि शुभकामना दिएका छन् । एसिया कप क्रिकेटका लागि पाकिस्तान पुगेको नेपाली क्रिकेट टीमसँग बुधबार बिहान नेपाली टीमलाई भर्चुअल रुपमा प्रधानमन्त्री प्रचण्डले जितका लागि शुभकामना दिएका हुन् ।
प्रधानमन्त्रीले प्रतियोगितामा नेपालले राम्रो नतिजा निकाल्ने विश्वास व्यक्त गर्दै खेल क्षेत्रको विकास र खेलाडीहरूको हितका निम्ति आफूले हमेसा ध्यान दिएको बताए ।
भर्चुअल बैठकमा नेपाली टीमका क्याप्टेन रोहित पौडेलले टोलीले राम्रो तयारी गरिरहेको र त्यहीअनुसार प्रतिस्पर्धामा प्रस्तुति रहने प्रधानमन्त्रीलाई जानकारी गराए । नेपालले आज घरेलु टिम पाकिस्तानसँग खेल्दैछ। पाकिस्तानको मुल्तानमा नेपालले आज एसिया कप क्रिकेटमा डेब्यु गर्दैछ ।
© 2026 All right reserved to hamrorastra.com | Site By : SobizTrend
