हाम्रो राष्ट्र
काठमाडौं । चीनको हान्झाउमा जारी एसियाली खेलकुदको करातेमा एरिका गुरूङले रजत पदक जितेकी छिन् । शनिबार ६८ केजी तौल समूहको फाइनलमा काजकिस्तानकी सोफ्या बेरुल्तसेभासँग ३–० ले पराजित भएपछि उनी रजतमा चित्त बुझाउन पुगिन् ।
सेमिफाइनलमा उनले हङकङकी यान काई होलाई ८–४ ले हराउँदै उनी फाइनलमा पुगेकी थिइन् । एरिकाले नेपालका लागि जारी एसियाली खेलकुदमा दोस्रो पदक जितेकी हुन् । यसअघि नेपालले कबड्डीमा कास्य पदक जितेको थियो ।
एसियाडकै इतिहासमा भने नेपाललाई उनले करातेमा पहिलो रजत पदक जिताएकी हुन् ।
© 2026 All right reserved to hamrorastra.com | Site By : SobizTrend
