हाम्रो राष्ट्र
काठमाडौं । राष्ट्रिय स्वतन्त्र पार्टीले वैशाख १० गते तीन क्षेत्रमा हुने उपनिर्वाचनका लागि उम्मेदवार घोषणा गरेको छ । शनिबार पार्टी कार्यालय महाराजगञ्जमा पत्रकार सम्मेलन गरी राष्ट्रिय स्वतन्त्र पार्टीले चितवन २ मा अध्यक्ष रवि लामिछाने, तनहुँ १ मा स्वर्णिम वाग्ले र बारा २ मा रमेश खरेललाई उम्मेदवार बनाउने घोषणा गरेको हो ।
गत मंसिरको चुनावमा चितवन २ मा रवि लामिछाने नै निर्वाचित भएका थिए । तर नागरिकता सम्बन्धी विवादमा सर्वोच्च अदालतले उनको पद खारेज गरे पछि त्यहाँ उपनिर्वाचन लागेको हो । नेपाली कांग्रेसबाट निर्वाचित रामचन्द्र पौडेल राष्ट्रपति भएपछि तनहुँ १ मा रास्वपाले वाग्लेलाई उम्मेदवार बनाउन लागेको हो । खरेल मंसिरको चुनावमा हाम्रो सुशासन पार्टीबाट काठमाडौं १ मा उम्मेदवार बनेका थिए । तर उनी निर्वाचनमा पराजित भएका थिए ।
© 2026 All right reserved to hamrorastra.com | Site By : SobizTrend
