हाम्रो राष्ट्र
काठमाडौं । नेपाली कांग्रेसका महामन्त्री गगन थापाले प्रधामन्त्रीलाई चुस्त टीम बनाउन सुझाव दिएका छन् । शुक्रबारको प्रतिनिधिसभा बैठकमा महामन्त्री थापाले परिणाम दिने गरी काम गर्न प्रधानमन्त्रीलाई चुस्त टिम बनाउन सुझाव दिएका हुन् । उनले प्रधानमन्त्रीले प्रधानमन्त्रीजस्तो भएर दिनरात समय त्यसमा लगाउनुपर्ने बताए ।
उनले भने, ‘गठबन्धनको नेता भएर बस्ने समय छोट्याउनुस् । एक महिनामा एक–दुई दिन बसे हुन्छ । आफ्नो दलको अध्यक्ष बन्ने कुरा केही दिन बिर्सिएपनि हुन्छ । प्रधानमन्त्रीले प्रधानमन्त्रीजस्तो भएर दिनरात समय त्यसमा लगाउनुपर्छ ।’
उनले सरकारको न्यूनतम साझा कार्यक्रम पनि आएकाले अब एक दिन एक परिणाम दिने गरी काम गर्नुपर्ने बताए । थापाले दूरसञ्चार प्राधिकरणले नेपालका सबै सूचना टर्की पुर्याउने गरी टेरामिक्स नामको प्रविधि खरिद गरिएकोमा आपत्ति जनाएका छन् । उनले दूरसञ्चारसम्बन्धी कानुन नबन्दै सबै सूचना नेपालबाहिर पुर्याउने गरी प्रविधि भित्राउन नहुने बताए । ‘
उनले भने, ‘अब हामीले फोन गर्दा, मेसेज गर्दा कसले कहाँबाट कुरा गर्दैछ, म्यासेजको कन्टेन्टसमेत नेपालमा होइन, विदेशमा पुग्दैछ । यो गलत हो । यो हामीलाई किन आवश्यक पर्यो ?’
© 2026 All right reserved to hamrorastra.com | Site By : SobizTrend
