नेप्सेमा २३ अंकको गिरावट

हाम्रो राष्ट्र

सोमबार, ४ बैशाख २०८०

काठमाडौं । शेयर बजार नेप्सेमा सोमबार उच्च अंकको गिरावट आएको छ । सोमबार नेप्से २३ दशमलव ६३ अङ्कले घटेर एक हजार नौ सय आठ दशमलव शून्य पाँच विन्दुमा झरेको छ ।

सोमबार सबै समूहको शेयर घटेर बजार राताम्मे भएको छ । बजारसँगै कारोबार रकममा पनि कमी आएको छ । आज दुई सय ६७ वटा कम्पनीका ३१ लाख ४४ हजार कित्ता शेयर ९२ करोड ७८ हजार रुपैयाँमा कारोबार भएका छन् । सबैभन्दा धेरै अरुण भ्याली हाइड्रोको सात करोड रुपैयाँको शेयर किनबेच भयो ।

सोमबार सबैभन्दा धेरै उन्नति लघुवित्त, उपकार लघुवित्त र कालिका लघुवित्त कम्पनीको शेयर चार प्रतिशतभन्दा धेरैले घटेको छ । समग्रमा बजार राताम्मे भए पनि आज आदर्श लघुवित्त, कालिञ्चोक दर्शन लिमिटेड र मोलुङ हाइड्रोपावर कम्पनीको शेयर १० प्रतिशतले बढेको छ ।

प्रतिक्रिया