हाम्रो राष्ट्र
काठमाडौं । प्रहरी नायब महानिरीक्षक (डीआइजी) अशोक सिंहले राजीनामा दिएका छन् ।
बुधबार प्रहरी प्रधान कार्यालय पुगेर डीआइजी सिंहले राजीनामा दिएका हुन् । उनी सुदूरपश्चिम प्रदेश प्रहरी कार्यालयका प्रमुख थिए ।
प्रहरीमा भावी महानिरीक्षक बन्ने रस्साकस्सी चलिरहेको समयमा डीआइजी सिंहको जन्ममितिको सम्बन्धमा विवाद सार्वजनिक भएको हो । उनको नागरिकतामा र प्रहरी प्रधान कार्यलयको विवरणमा जन्ममिति फरक परेको पाइएपछि प्रहरी प्रधान कार्यालयले उनीमाथि आन्तरिक छानविन थालेको थियो ।
प्रहरी प्रधान कार्यालयले छानबिन सुरु गरेपछि डीआइजी सिंहले राजीनामा दिएका हुन् । प्रहरी सेवामा प्रवेश गर्दा सिंहले पेस गरेको नागरिकतामा उनको जन्ममिति २०२४ जेठ मात्रै उल्लेख छ । उनको शैक्षिक प्रमाणपत्रमा भने १६ पुस २०२५ जन्ममिति उल्लेख छ ।
© 2026 All right reserved to hamrorastra.com | Site By : SobizTrend
