हाम्रो राष्ट्र
काठमाडौं । मुलुक अर्थतन्त्रको संकटमा परिरहेका बेला काठमाडौंका थापाथलीमा एक समूहले नयाँ व्यावसाय सुरु गरेका छन् । आर्थिक चुनौतिलाई अवसरको रुपमा बदल्न यस्यसवी राज्यलक्ष्मी शाह र उनका साथीहरुको समुहले काठमाडौंको थापाथलीमा नयाँ व्यवसाय सुरु गरेका हुन् ।
कर्णाली प्रदेश सभाका सदस्य राजिव बिक्रम शाहकी छोरी समेत रहेकी शाहले उनको आफ्नै निजी निवास काठमाडौंको त्रिपुरेश्वरमा भएको खाली जमीनलाई व्यापारिकस्थलका रुपमा परिणत गरेका हुन् । उनीहरुको व्यवसायलाई प्रोत्साहन गर्नका लागि उनकी मुवा जय राज्यलक्ष्मी शाह र आमा शिवानी सिंहले समर्थन गर्दै व्यापारमा साथ दिएका छन् ।
हरेक हप्ताको शुक्रबार बेलुकी ५ बजे देखि ९ बजेसम्म रमाइलो साँझमा सहभागिताका लागि नयाँ व्यवसाय शुरु गरेको उनको भनाइ छ । यहाँ विभिन्न परिकारका खानेकुरा, नेपाली उत्पादनका सामानहरुका स्टल र म्युजिक खेलका साथमा घरमा प्रयोगमा आउने सजावटका सामना सुपथ मुल्यमा पाइने उनको भनाई छ ।
उनका अनुसार शुक्रबार साँझ ५ बजेबाट सुरु भएर रातिको ९ बजे बन्द हुने उक्त बजार शनिबार बिहान ११ बजेबाट साँझको ५ बजे सम्म चल्नेछ । व्यवसायिक केन्द्र काठमाडौंको थापाथलीस्थित ग्रेट वाल मोटर्स शोरुम छेउमा रहेको छ ।
© 2026 All right reserved to hamrorastra.com | Site By : SobizTrend
