हाम्रो राष्ट्र
काठमाडौं । एसीसी इमर्जिङ टिम्स एसिया कप क्रिकेटमा नेपाल भारत ‘ए’ टिमसँग पराजित भएको छ । नेपालले दिएको १६८ रनको लक्ष्य भारतले २२ दशमलब १ ओभरमा १ विकेटको क्षतिमा भेट्टायो ।
उसका लागि अभिषेक शर्माले सर्वाधिक ८७, साई सुदर्शनले ५८ रन बनाए । नेपालका लागि कप्तान रोहित पौडेलले १ विकेट लिए । त्यसअघि श्रीलंकाको आर प्रेमदासा रंगशालामा टस जितेर पहिला ब्याटिङ गरेको नेपाल ३९ दशमलब २ ओभरमा १६७ रनमा समेटियो । नेपालका लागि कप्तान रोहित कुमार पौडेलले सर्वाधिक ६५ रन बनाए ।
यस्तै गुल्शन झाले ३८, देव खनालले १४,सोमपाल कामीले १४ रन बनाउनुबाहेक अन्य ब्याटरले दोहोरो अंकमा रन जोड्न सकेनन् । ३७ रन जोड्दा ५ विकेट गुमेपछि संकटमा परेको नेपाललाई कप्तान रोहित,गुल्शन र सोमपालले केही समय सम्हालेका थिए । यसअघि पहिलो खेलमा नेपाल पाकिस्तानसँग ४ विकेटले पराजित भएको थियो ।
© 2026 All right reserved to hamrorastra.com | Site By : SobizTrend
