हाम्रो राष्ट्र
काठमाडौं । नेपाली कांग्रेसका केन्द्रीय सदस्य सुरेन्द्रराज पाण्डेले कांग्रेसमा सबै एउटै डुंगामा रहेकाले त्यसलाई जोगाउन सबै लाग्नुपर्ने बताएका छन् ।
बिहीबारको केन्द्रीय समिति बैठकमा पाण्डेले महामन्त्री गगन थापाप्रति लक्षित गर्दै सबै मिलेर डुंगा पार लगाउनुपर्ने बताएका हुन् । महामन्त्री थापाले देउवालाई संसदीय दलको नेताबाट हटाउने बताउँदै आएका छन् ।
थापालाई लक्षित गर्दै पाण्डेले भने, ‘विधानले सभापति हटाउने व्यवस्था गरेको छ । विधानको अभ्यास गर्न कसैले रोक्न सकदैन । गर्ने हो गरौं । गर्ने कुरालाई भनेर मात्र अतिरञ्जित नगरौं । सबै एकै डुंगामा छौं । डुंगा पार लगाउन कठिन छ । शेरबहादुर देउवा डुबेपछि गगन थापा र सुरेन्द्र पाण्डे पनि डुब्छ । त्यसैले सबै मिलेर पार लगाऔँ ।’
पाण्डेले नयाँ उदय भएका दलहरूलाई क्रस गर्नेगरी अभिव्यक्ति पार्टीका नेताहरूबाट नआएको बताए । उनले पुराना पार्टीले गर्न सकेनन् नयाँ पार्टीले काम गर्छन् भन्ने भाष्य निर्माण भइरहँदा कांग्रेसले त्यसलाई क्रस गर्न नसकेको बताए ।
© 2026 All right reserved to hamrorastra.com | Site By : SobizTrend
