हाम्रो राष्ट्र
दोलखा । दोलखा जिल्लाको गौरीशंकर गाउँपालिका– ८ मा गएको पहिरोमा परी एक जनाको मृत्यु भएको छ भने ३ जना बेपत्ता भएका छन् । पहिरोमा परी १५ महिने बालक प्रिन्स थामीको मृत्यु भएको हो ।
उनको शव फेला परेको प्रहरीले जनाएको छ । गौरीशंकर गाउँपालिका ७ मार्बुमा बिहीबार साँझ गएको पहिरोमा परी गम्भीर घाइते भएका ३ जनालाई हेलिकप्टर मार्फत राजधानी लैजाने प्रयास भइरहेको छ ।
दोलखाको उत्तरी गौरीशंकर गाउँपालिका ७ मार्बु गाउँको टोपाटार बस्तीमा बिहीबार साँझ छिमेकी वडा खारे तर्फको भिरबाट खसेको पहिरोले बस्ती पुरेको थियो । मार्बुका वडाअध्यक्ष सोनाम शेर्पाले टेलिफोनमा दिएको जानकारी अनुसार पहिरोले बस्तीका ५ घर पुरेको छ ।
पहिरोमा परी कृष्णबहादुर मगर, सोही उनकी श्रीमती देव मगर र हरिलाल श्रेष्ठ बेपत्ता भएका छन् । सुरक्षाकर्मी र गाउँले मिलेर उनीहरुको खोजी गरिरहेको वडाअध्यक्ष शेर्पाले जानकारी दिए ।
© 2026 All right reserved to hamrorastra.com | Site By : SobizTrend
