हाम्रो राष्ट्र
काठमाडौं । वैदेशिक रोजगारीका लागि टर्की पठाइदिने भन्दै ठगी गरेको आरोपमा एक महिला पक्राउ परेकी छन् । पक्राउ पर्नेमा पोखरा महानगरपालिका–५, लेखनाथ टोलकी सुरूचि भुजेल छिन् ।
नेपाल प्रहरीको केन्द्रीय अनुसन्धान ब्यूरो (सीआईबी) को टोलीले उनलाई लेखनाथ टोलबाट शनिबार पक्राउ गरेको हो । भुजेल र उनकै ठेगाना भएका सिर्जनकुमार राईसमेतले टर्कीमा गएको भूकम्पपश्चात् पुनःनिर्माणका लागि संयुक्त राष्ट्रसंघ (यूएन) ले सहयोग गर्ने उद्देश्यले कामदार माग गरेको भन्दै ठगी गरेको आरोप छ ।
उनीहरूले ३० जनाबाट १ करोड १५ लाख ९९ हजार ८ सय रूपैयाँ ठगी गरेको जाहेरी परेको छ । सीआईबीका प्रवक्ता प्रहरी उपरीक्षक नवराज अधिकारीका अनुसार उनीहरूले पुनःनिर्माणको काममा यूएनले मासिक १ हजार ४ सय अमेरिकी डलर तलब दिने भनी पीडितहरूलाई प्रलोभनमा पारेका थिए ।
पक्राउ परेकी भुजेलविरूद्ध काठमाडौं जिल्ला अदालत ७ दिनको म्याद लिएर ठगीसम्बन्धी कसुरमा अनुसन्धान भइरहेको सीआईबीले जनाएको छ । साथै यस ठगीमा परेका व्यक्तिहरूलाई यथाशीघ्र सम्पर्कमा आउनसमेत सीआईबीले आग्रह गरेको छ।
© 2026 All right reserved to hamrorastra.com | Site By : SobizTrend
