हाम्रो राष्ट्र
काठमाडौं । भूकम्प प्रभावित जाजरकोटमा हावाहुरीले ठूलो क्षति पुर्याएको छ । शनिवार अचानक चलेको हावाहुरीले अस्थायी टहरामा बस्दै आएका भूकम्पपीडितको उठिबास लगाएको हो । जाजरकोटको नलगाड नगरपालिका र बारेकोट गाउँपालिकामा हावाहुरीले क्षति पुर्याएको छ । गत कात्तिक १७ को भूकम्पपछि पहिलो किस्ता लिएर टहरा बनाएका पीडित समस्यामा परेका छन । उद्धार कार्यमा बिलम्ब हुँदा हावाहुरीसँगै वर्षातको समस्या हुने देखिएको छ । यसअघि पनि भूकम्पपछि चिसोका कारण जाजरकोटमा धेरैले ज्यान गुमाउनुपरेको थियो । हावाहुरीले कति क्षति भयो भन्ने एकिन जानकारी आइसकेको छैन । सामाजिक सञ्जालमा अचानक आएको हुरीले पुर्याएको क्षतिका तस्विर सार्वजनिक भएका छन ।
© 2026 All right reserved to hamrorastra.com | Site By : SobizTrend
