हाम्रो राष्ट्र
अमेरिकी राष्ट्रपति जो बाइडेनले सन् २०२४ का लागि आफ्नो उम्मेदवारी औपचारिक रूपमा सार्वजनिक गर्ने तयारी गरेका छन् । आयरल्याण्डको भ्रमणको अन्त्यमा पत्रकारहरूसँग कुरा गर्दै बाइडेनले आफू पुनः चुनाव लड्ने योजनामा रहेको बताएका हुन् ।
उनले यसबारे चाँडै घोषणा गर्ने बताए । अमेरिकाका पूर्व विदेशमन्त्री माइक पोम्पेओले सन् २०२४ मा हुने राष्ट्रपतीय चुनावमा उम्मेदवारी नदिने बताएका छन् । पूर्व सैनिक तथा सीआईएका पूर्व निर्देशक पोम्पेओले भविष्यमा राष्ट्रपतिपदका लागि सम्भावित दावेदारी हुनेबारे भने सङ्केत गरेका छन् ।
पोम्पेओले पत्नी सुसन र मैले धेरै सोचविचार र प्रार्थनापछि सन् २०२४ को चुनावमा अमेरिकाको राष्ट्रपति पदका लागि आफूलाई उम्मेदवारका रूपमा प्रस्तुत नगर्ने निष्कर्षमा पुगेको बताए । उनले आफू अहिले ५९ वर्षको मात्र भएको र अझै धेरै अवसरहरू बाँकी रहेको बताए ।
© 2026 All right reserved to hamrorastra.com | Site By : SobizTrend
