हाम्रो राष्ट्र
काठमाडौं । जनमत पार्टी, लोकतान्त्रिक समाजवादी पार्टी नेपाल र नागरिक उन्मुक्ति पार्टीबीच कार्यगत एकताको सहमति भएको छ ।
शनिबार तीन दलबीच विभिन्न एजेन्डाहरूमा सहकार्य गरी अगाडि बढ्ने निर्णय भएको जनमत पार्टीका अध्यक्ष सिके राउतले जानकारी दिएका छन्।
सहमति पत्रमा अध्यक्ष राउत, लोसपाका अध्यक्ष महन्थ ठाकुर र नागरिक उन्मुक्ति पार्टीकी अध्यक्ष रञ्जिता श्रेष्ठ चौधरीले हस्ताक्षर गरेका छन् । उनीहरूबीच उपराष्ट्रपति निर्वाचनमा पनि सहकार्य गर्ने निर्णय भएको छ ।
उपराष्ट्रपतिमा जनमत पार्टीले ममता झालाई उम्मेदवार उठाएको छ। यस्तै जनता समाजवादी पार्टीले पुरूष उम्मेदवार रामसहायप्रसाद यादवलाई उम्मेदवार बनाएको छ भने जसपाले रामसहायको उम्मेदवारीमा समस्या आउन सक्ने भन्दै प्रमिला यादवको पनि उम्मेदवारी दर्ता गराएको छ ।
© 2026 All right reserved to hamrorastra.com | Site By : SobizTrend
