हाम्रो राष्ट्र
काठमाडौं । आईसीसी क्रिकेट विश्वकप लिग टु मा नेपालले पपुवा न्युगिनीविरुद्ध सहज जित निकालेको छ । सोमबार त्रिवि क्रिकेट मैदानमा टस हारेर पहिले ब्याटिङ गरेको पपुवा न्युगिनीले ३२ ओभरमा सबै विकेट गुमाएर ९५ रन बनाएको थियो ।
नेपालले १ विकेट गुमाएर ७ .४ ओभरमा लक्ष्य भेट्टायो । नेपालले ओडिआईमा पहिलोपटक ९ विकेटको जित दर्ता गरेको हो । यसअघि नेपालले अमेरिकामाथि ८ विकेटको जित दर्ता गरेको थियो । नेपालका लागि आशिफ शेखले ५३, कुशल भुर्तेलले ३३, कुशल मल्लले १२ रनको योगदान गरे ।
पीएनजीका चोड सोपरले १ विकेट हात पारे । नेपालका लागि सन्दीप लामिछानेले ५, ललित राजवंशीले २, कुशल मल्लले २, सोमपाल कामीले १ विकेट हात पारे । नेपालले आज गुल्शन झालाई बेन्चमा राखेर करण केसीलाई खेलाइएको थियो ।
यो जितसंगै नेपालले विश्वकप छनौट खेल्ने सम्भावना बलियो बनाएको छ । नेपालले विश्वकप लिगमा आफूलाई चौथो स्थानमा राखेकाले एक दिवसीय मान्यता जोगाइसकेको छ ।
© 2026 All right reserved to hamrorastra.com | Site By : SobizTrend
