ललितपुर, हब इन्टरनेशनल एजुकेशन द्वारा आयोजित ग्रान्ड मल्टी-डेस्टिनेसन एजुकेशन फेयर २०२५ कुमारिपाटी, ललितपुरमा सफलता पूर्वक सम्पन्न भयो। यस शैक्षिक मेलामा आयरल्याण्ड, बेलायत, अष्ट्रेलिया, न्यूजील्याण्ड, क्यानडा, अमेरिका, फिनल्यान्ड, जर्मनी, डेनमार्क, र स्वीडेन का ३० भन्दा बढी प्रतिष्ठित संस्थाहरूका प्रत्यक्ष प्रतिनिधिहरूको सहभागिता रहेको थियो।

उच्च शिक्षाका लागि विदेश जान चाहने विद्यार्थीहरूका लागि यो मेला एक विशेष अवसर बन्यो। विद्यार्थीहरूले प्रत्यक्ष रूपमा विश्वविद्यालयका प्रतिनिधिहरूसँग अन्तरक्रिया गर्ने मौका पाएर भर्ना प्रक्रिया, छात्रवृत्ति अवसरहरू, र अध्ययन कार्यक्रमबारे जानकारी प्राप्त गरे। साथै, विद्यार्थीहरूले आईईएलटीएस (IELTS) र पीटीई (PTE) तयारीमा विशेष छुट, आवेदन शुल्क माफ, तथा १००% सम्म छात्रवृत्तिको अवसर जस्ता लाभहरू प्राप्त गरे।

समापन समारोहमा बोल्दै, हब इन्टरनेशनल एजुकेशनकी प्रमुख कार्यकारी अधिकृत (CEO) सरिता खड्का ले सम्पूर्ण विश्वविद्यालय प्रतिनिधिहरूलाई सहयोगका लागि धन्यवाद व्यक्त गरिन्। त्यस्तै, हब इन्टरनेशनल एजुकेशन – कुमारिपाटी शाखा प्रमुख सन्तोषी भण्डारी ले मेला अत्यन्त सफल रहेको बताउँदै, धेरै विद्यार्थीहरूलाई उनीहरूको विदेश अध्ययनको लक्ष्यमा नजिक पुर्याउन मद्दत गरेको उल्लेख गरिन्।

यस मेलामा विद्यार्थीहरूका लागि रोचक उपहार र पुरस्कारहरू समेत राखिएको थियो, जसले कार्यक्रममा थप उत्साह थप्यो। विद्यार्थीहरूबाट सकारात्मक प्रतिक्रिया प्राप्त भएकाले हब इन्टरनेशनल एजुकेशन भविष्यमा पनि यस्ता कार्यक्रमहरू आयोजना गर्ने लक्ष्य राखेको छ।