हाम्रो राष्ट्र
काठमाडौं, ड्रिम नेक्स्ट एजुकेशन फाउन्डेशन प्रा. लि. को आयोजनामा अष्ट्रेलियाको प्रतिष्ठित शैक्षिक संस्था स्टेप इन्टु ट्रेनिङ सर्भिसेज (RTO 91533) र रिभरडेल इन्स्टिच्युट का तर्फबाट हेड मार्केटिङ म्यानेजर मिस जेनी प्रधान द्वारा एक विशेष जानकारीमूलक कार्यक्रम सम्पन्न भएको छ।
ब्रिस्बेनस्थित स्टेप इन्टु ट्रेनिङ सर्भिसेज र मेलबर्नस्थित रिभरडेल इन्स्टिच्युटले विद्यार्थीका लागि कम्युनिटी सर्भिस, बिजनेस, लिडरसिप एन्ड म्यानेजमेन्ट, तथा अर्ली चाइल्डहुड एजुकेशन एन्ड केयर जस्ता रोजगारमुखी कोर्षहरू प्रदान गर्दै आइरहेका छन्।
कार्यक्रममा मिस जेनी प्रधानले कोर्ष संरचना, भर्ना प्रक्रिया, आवश्यकताहरू, तथा स्नातकोत्तर अवसरहरूबारे जानकारी दिँदै विद्यार्थीहरूका जिज्ञासाहरूको जवाफ दिइन्। कार्यक्रममा सहभागिता जनाएका विद्यार्थीहरू निकै उत्साहित देखिए।
ड्रिम नेक्स्टका निर्देशक श्री सन्तोष मण्डलले कार्यक्रमप्रति कृतज्ञता व्यक्त गर्दै भने, “अष्ट्रेलिया अध्ययन यात्रा सहज र सफल बनाउने विषयमा निकै महत्वपूर्ण छलफल भयो, जुन हामी सबैको साझा लक्ष्य हो।” उनले मिस जेनीलाई विशेष धन्यवाद दिँदै सहभागी सबै विद्यार्थीहरूलाई पनि आभार प्रकट गरे।
ड्रिम नेक्स्ट एजुकेशन फाउन्डेशनले नेपाली विद्यार्थीहरू र अष्ट्रेलियन शिक्षालयबीच सेतुको रूपमा कार्य गर्दै, आगामी दिनमा पनि यस्ता सहयोगमूलक गतिविधिहरूलाई निरन्तरता दिने प्रतिबद्धता संस्थाले जनाएको छ।
© 2026 All right reserved to hamrorastra.com | Site By : SobizTrend
