काठमाडौं। डिला संग्रौला, नेपाली कांग्रेसकी सह–महामन्त्री, काठमाडौं उपत्यकाका तीनै जिल्ला—काठमाडौं, ललितपुर र भक्तपुर—मा सक्रिय रूपमा पार्टी कार्यक्रम सञ्चालन गरिरहनुभएको छ। उहाँले घरदैलो अभियान, कार्यकर्ता भेला, अन्तरक्रिया तथा जनभेटघाट कार्यक्रममार्फत पार्टी संगठनलाई जरा स्तरसम्म सुदृढ बनाउने अभियान तीव्ररूपमा अघि बढाउनुभएको छ।

कार्यक्रमहरूमा उहाँले लोकतन्त्रको संरक्षण, संविधानको प्रभावकारी कार्यान्वयन, सुशासन प्रवर्द्धन तथा विकास निर्माणका अधुरा योजना सम्पन्न गर्ने प्रतिबद्धता व्यक्त गर्नुभयो। तीनै जिल्लाका विभिन्न वडा र नगर क्षेत्रमा आयोजित कार्यक्रममा जिल्ला, क्षेत्र, प्रदेश, नगर तथा वडा कार्यसमितिका पदाधिकारी र सदस्यहरूको उल्लेखनीय सहभागिता देखिएको छ।

साथै, भातृ तथा शुभेच्छुक संस्थाका प्रतिनिधि, युवा तथा महिला नेतृ–नेताहरूको सक्रिय उपस्थिति अभियानलाई प्रभावकारी बनाएको छ। जनतासँग प्रत्यक्ष संवाद गर्दै उहाँले आमनागरिकका गुनासा, सुझाव र अपेक्षालाई प्राथमिकताका साथ सम्बोधन गर्ने अठोट व्यक्त गर्नुभएको छ।

पार्टीलाई अझ बलियो बनाउँदै जनताको विश्वास जित्ने उद्देश्यसहित तीनै जिल्लामा निरन्तर रूपमा सञ्चालन भइरहेको अभियानले नेपाली कांग्रेसको स्थानीय आधार थप सुदृढ पार्ने विश्वास स्थानीय नेताहरू र समर्थकहरूले व्यक्त गरेका छन्।

यस घरदैलो कार्यक्रममा मतदाताहरूको अपार माया, साथ र उत्साहले अभियानलाई थप ऊर्जा र प्रेरणा प्रदान गरेको छ। प्राप्त सकारात्मक प्रतिक्रिया र समर्थनले चुनाबमा अझ जिम्मेवार र हौसला दिएको छ।