हाम्रो राष्ट्र
काठमाडौं । जावलाखेल युथ क्लब राजधानीमा जारी सहिद स्मारक ए डिभिजन लिग फुटबलको शीर्ष स्थानमा उक्लिएको छ ।
शनिबार ललितपुरस्थिित च्यासल मैदानमा भएको खेलमा मनाङ मस्र्याङ्दी क्लबलाई ३–० गोल अन्तरले हराउँदै जावलाखेल शीर्ष स्थानमा उक्लिएको हो ।
जावलाखेलको जितमा एनकोटो मासोबीले दुई तथा फोडे फोफानाले एक गोल गरे । खेलको चौथो मिनेटमा नै मासोबीले गोल गर्दै जावलाखेललाई सुरुवाती अग्रता दलाएका थिए । त्यसपछि खेलको थप गरिएको समयमा जावलाखेलले दुई गोल थप्न सफल भयो ।
खेलको थपिएको दोस्रो मिनेटमा फोडे फोफानाले एक गोल गरे भने चौथो मिनेटमा मासोबीले व्यक्तिगत दोस्रो तथा जावलाखेलको लागि तेस्रो गोल गरे । यस जितसँगै जावलाखेलले ९ खेलमा १७ अंक जोडेको छ । मनाङ १५ अंक जोडेर तेस्रो स्थानमा रहेको छ ।
© 2026 All right reserved to hamrorastra.com | Site By : SobizTrend
