हाम्रो राष्ट्र
काठमाडौं । प्रधानमन्त्री पुष्पकमल दाहाल प्रचण्डले पाँचदलीय गठबन्धन ब्यूँताउनेबारे छलफल भइरहेको बताएका छन् ।
बिहीबार दिउँसो सिंहदरबारमा नेकपा एकीकृत समाजवादीका अध्यक्ष माधव नेपालसँगको भेटपछि प्रधानमन्त्रीले छलफल भइरहेको तर फाइनल भइनसकेको बताएका हुन् ।
नेकपा एकीकृत समाजवादीका अध्यक्ष नेपालले विभिन्न विकल्पमा छलफल भइरहेको तर निष्कर्षमा नपुगेको बताए ।
उनले भने,‘हामीले विभिन्न विकल्पमा छलफल गरिरहेका छौँ । हामीसँग विभिन्न विकल्प छन् । देशलाई हित हुने विकल्प रोज्छौं।’
भेटघाटमा माओवादीबाट अध्यक्ष प्रचण्ड र नारायणकाजी श्रेष्ठ, एकीकृत समाजवादीबाट अध्यक्ष नेपाल र नेता घनश्याम भूसाल सहभागी थिए । यसअघि बुधबार साँझ कांग्रेस नेताहरुले प्रधानमन्त्रीसँग छलफल गरेका थिए ।
© 2026 All right reserved to hamrorastra.com | Site By : SobizTrend
