हाम्रो राष्ट्र
टर्कीमा रहेका झन्डै ४२ हजार सिरियाली शरणार्थीहरू शक्तिशाली भूकम्पपछि स्वेच्छाले स्वदेश फर्किएका टर्कीका रक्षामन्त्री हुलुसी अकारले बताएका छन् ।
यही फेब्रुअरी ६ मा गएको विनाशकारी भूकम्पबाट प्रभावित र दक्षिणी टर्कीमा ‘आफ्ना घर, बालबालिका र आफन्त गुमाएका’ सिरियालीहरू स्वदेश फर्किरहेका दक्षिणी हाते प्रान्तमा मंगलबार आयोजित पत्रकार सम्मेलनमा मन्त्री हुलुसीले बताएका हुन् ।
सन् २०११ मा गृहयुद्ध सुरु भएपछि आफ्नो देशबाट भागेका लगभग ३५ लाख सिरियाली शरणार्थीहरू टर्कीमा रहेका छन् । लगभग आधा शरणार्थीहरूले विनाशकारी भूकम्पबाट प्रभावित दक्षिणी टर्कीमा शरण लिएका छन् ।
टर्की सरकारले गत वर्ष सिरियाली शरणार्थीहरूलाई आफ्नो मातृभूमिमा पूर्णरूपमा फर्कन प्रोत्साहित गर्न दुई छिमेकी देशबीचको राउन्डट्रिप गर्न अस्थायी सुरक्षा अनुमतिका साथ प्रतिबन्ध लगाएको थियो ।
त्यसपछि सरकारले भूकम्पपछि शरणार्थीहरूका लागि आवतजावत गर्ने यात्रा प्रतिबन्धलाई पनि खुकुलो बनाएको छ ।
फेब्रुअरी ६ मा टर्कीको दक्षिणी प्रान्त कहरामनमारासमा गएको ७.७ र ७.६ म्याग्निच्युडको भूकम्पपछि टर्की र सिरियामा ४६ हजारभन्दा बढी मानिसको मृत्यु भएको छ ।
© 2026 All right reserved to hamrorastra.com | Site By : SobizTrend
