हाम्रो राष्ट्र
काठमाडौं । केपी ओली कपको उपाधि मछिन्द्र फुटबल क्लवले जितेको छ । बुधबार भएको फाइनल खेलमा मछिन्द्रले सातदोबाटो युथ क्लवलाई पेनाल्टी सुटआउटमा ५–३ ले पराजित गरेको थियो ।
पेनाल्टीमा मछिन्द्रका पाँचै खेलाडीले गोल गरेका थिए । मछिन्द्रका रजिन धिमाल, दिवाकर चौधरी, सुजल श्रेष्ठ, पुजन उपरकोटी, उमुलाजाले गोल गरेका थिए ।
उता सातदोबाटोका अब्बु बकारीको प्रहार विशाल श्रेष्ठले बचाए थिए भने निरज चौधरी, दिपेन राज सिंह, एक राज बुढाथोकीले गोल गरेका थिए । यसअघि खेलको निर्धारित समयको खेल १–१ गोलको बराबरीमा सकिएको थियो ।
खेलको पाँचौ मिनेटमा नै मछिन्द्रले अग्रता बनाएको थियो । मछिन्द्रले पाँचौ मिनेटमा पाएको फ्रिकिकमा गोल गरेका थियो । देवेन्द्र तामाङले प्रहार गरेको फ्रिकिकमा ओलाओले ओलडिपोले गोल गरेका हुन् ।
त्यसपछि खेलको १८ औं मिनेटमा सातदोबाटोले बराबरी गोल गर्यो । सातदोबाटोको सुदिप गुरुङको क्रसमा जोर्डन ओवानाले हेडमार्फत गोल गदैए बराबरी गरेका हुन् । त्यसपछि खेलमा कुनै पनि टोलीले गोल गर्न नसक्दा खेलको निर्णय पेनाल्टीमार्फत भएको हो ।
© 2026 All right reserved to hamrorastra.com | Site By : SobizTrend
