हाम्रो राष्ट्र
काठमाडौं । नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डले चीनविरुद्ध गद्दारी गरेको आरोप लगाएका छन् ।
शनिबार स्थानीय तह कर्मचारी संघ, नेपालले एमाले पार्टी कार्यालयमा आयोजना गरेको कार्यक्रममा अध्यक्ष ओलीले मुस्ताङमा विश्वविद्यालय खोल्ने भारतको प्रस्तावलाई स्वीकार गरेर प्रधानमन्त्रीले चीनविरुद्ध गद्दारी गरेको आरोप लगाएका हुन् ।
उनले सरकारको निर्णय खतरनाक भएको बताए । मुस्ताङमा विश्वविद्यालय भनेको विदेशीको दलाली हो । राष्ट्रियतामाथिको प्रहार हो । मित्र राष्ट्र चीन विरुद्धको गद्दारी गर्न खोजेको हो । विदेशीहरुको खेल मैदान बनाउन खोजेको हो । त्यहाँको युरेनियम, त्यसमा ध्यान दिएको हो ।’
त्यसैगरी अध्यक्ष ओलीले सरकारले भारतबाट आयात हुने तरकारी परीक्षण गर्न नपर्ने निर्णय गरेको भन्दै आपत्ति जनाए । उनले विषादी खुवाएर नेपाली जनता मार्ने काम सरकारले गर्न खोजेको भन्दै त्यसविरुद्ध उत्रिन नेता कार्यकर्तालाई निर्देशन दिए ।
© 2026 All right reserved to hamrorastra.com | Site By : SobizTrend
