हाम्रो राष्ट्र
काठमाडौं । बागमती प्रदेशसभा, नेपाली कांग्रेस संसदीय दलका नेता बहादुरसिंह लामाले आज बिहान मुख्यमन्त्रीमा दाबी पेस गर्ने तयारी गर्नुभएको छ । प्रदेश प्रमुख यादवचन्द्र शर्माले नयाँ सरकार गठन गर्न आह्वान गरेसँगै नेपाल कम्युनिष्ट पार्टी (एमाले) को समर्थनमा लामाले मुख्यमन्त्रीमा दाबी पेस गर्न लाग्नुभएको हो ।
मुख्यमन्त्री शालिकराम जम्कट्टेलको हिजो पदबाट दिनुभएको राजीनामा स्वीकृत गर्नुभएका प्रदेश प्रमुख शर्माले संविधानको धारा १६८ को उपधारा २ बमोजिम सरकार गठनका लागि दाबी पेस गर्न साउन ८ गते साँझ ५ बजेसम्मको समय तोक्नुभएको छ ।
कांग्रेस संसदीय दलका नेता लामाले आज नै दाबी पेश गर्ने तयारी भएको जानकारी दिनुभयो । एमाले–कांग्रेसबीच मुख्यमन्त्रीमा कांग्रेसले दाबी पेस गर्ने सहमति भइसकेको छ । आज बहुमत प्रदेशसभा सदस्यहरुको हस्ताक्षरसहित प्रदेश प्रमुख समक्ष मुख्यमन्त्रीको दाबी पेस गरिनेछ ।
© 2026 All right reserved to hamrorastra.com | Site By : SobizTrend
