प्रतियोगिताको रोमाञ्चक फाइनल खेल Maintain टिम र NPM टिम बीच सम्पन्न भयो। निर्धारित समयको खेल १-१ को बराबरीमा टुंगिएपछि खेलको निर्णय पेनाल्टी शूटआउट बाट गरिएको थियो। शूटआउटमा Maintain ले २–१ को अग्रता लिँदै प्रतियोगिताको उपाधि हात पार्न सफल भयो।
विजेता Maintain टिमले रू. १,००,००० नगद, ट्रफी, मेडल र प्रमाणपत्र प्राप्त गर्यो भने उपविजेता NPM टिमले रू. ५०,००० नगद, ट्रफी, मेडल र प्रमाणपत्र प्राप्त गर्यो। प्रतियोगिताको उत्कृष्ट खेलाडी र उत्कृष्ट गोलरक्षक ले पनि ट्रफीसहित नगद पुरस्कार प्राप्त गरेका थिए।
खेलहरू FIFA फूटसल नियमअनुसार संचालन गरिएको थियो। प्रतियोगिता युवा सशक्तिकरण, सहकार्य, अनुशासन र नेतृत्व विकासमा केन्द्रित भएर गरिएको आयोजकले बताएका छन्।
खेलपछि सहभागी खेलाडीहरूले Bizz Education Consultancy र आयोजकहरूलाई यस्ता प्रतिस्पर्धात्मक खेल कार्यक्रमको आयोजना गरेर युवालाई सकारात्मक ऊर्जा प्रदान गरेको भन्दै आभार व्यक्त गरेका थिए।
