हाम्रो राष्ट्र
सिड्नी, अस्ट्रेलिया: ३१ अगस्ट २०२५ मा आयोजना हुन लागेको “March for Australia – Australia First” नामक आप्रवासन विरोधी र्यालीको गैर-आवासीय नेपाली संघ (NRNA) अस्ट्रेलियाले कडा विरोध जनाएको छ।
संघका अध्यक्ष अनिल पोखरेलले बुधबार सार्वजनिक गरेको विज्ञप्तिमा आप्रवासीलाई दोषारोप गर्ने तथा समाजमा विभाजन र घृणा फैलाउने खालका अभियान अस्वीकार्य भएको उल्लेख गरिएको छ।
“अस्ट्रेलियाको पहिचान नै बहुसांस्कृतिकता, समावेशीता र सामाजिक सद्भावमा आधारित छ। आप्रवासी र डायस्पोरा समुदायले राष्ट्रलाई आर्थिक, सामाजिक र सांस्कृतिक रूपमा समृद्ध बनाउन ठूलो योगदान दिएका छन्,” विज्ञप्तिमा भनिएको छ।
NRNA अस्ट्रेलियाले सामाजिक चुनौतीहरूको कारण आप्रवासीलाई बलिको बोका बनाउने प्रयास अस्वीकार्य भएको जनउँदै सबै समुदाय, सरकारी अधिकारी र नागरिकलाई जातिवाद, विदेशीविरोधी मानसिकता र विभाजनको विरुद्ध एकताबद्ध हुन आह्वान गरेको छ।
“हामी अस्ट्रेलियाका सम्पूर्ण बहुसांस्कृतिक समुदायहरूको आत्मसम्मान, समान अवसर र सम्मानजनक अस्तित्वका लागि निरन्तर आवाज उठाइरहनेछौं,” संघका अध्यक्ष पोखरेलले बिग्यप्ति मार्फत भनेका छन ।
© 2026 All right reserved to hamrorastra.com | Site By : SobizTrend
