ललितपुर – सुएन एजुकेशन कन्सल्टेन्सीले आउँदो सेप्टेम्बर ५ गते शुक्रबार आफ्नो कुमारिपाटी अफिसमा मल्टिडेस्टिनेशन एजुकेशन फेयर २०२५ आयोजना गर्ने भएको छ। यस कार्यक्रममा विद्यार्थीहरूले विश्वका चर्चित गन्तव्यहरू युके, जापान, जर्मनी, कोरिया, अष्ट्रेलिया, मोल्दोभा, रोमानिया, दुबई र ग्रीसमा अध्ययनका अवसरबारे जानकारी पाउनेछन्।

फेयरमा विभिन्न विश्वविद्यालय, कलेज र इन्स्टिच्युटका प्रतिनिधिहरू उपस्थित रहनेछन्, जसले विद्यार्थीलाई क्याम्पस, पाठ्यक्रम, सुविधा, छात्रवृत्ति र भर्ना प्रक्रिया सम्बन्धी विस्तृत जानकारी दिनेछन्।

सुएन एजुकेशनकी असिस्टेन्ट डायरेक्टर र प्रमुख शिक्षक याङ्चेन शेर्पाले भनिन्:
“यो मल्टिडेस्टिनेशन फेयरमार्फत विद्यार्थीहरूले एकै छानामुनि अन्तर्राष्ट्रिय क्याम्पसका विशेषज्ञसँग प्रत्यक्ष संवाद गर्न सक्नेछन्। आफ्नो भविष्यको योजना बनाउन यस कार्यक्रम निकै उपयोगी हुनेछ।”

याङ्चेन शेर्पासँग १० वर्षभन्दा बढीको कन्सल्टिङ र भाषा शिक्षण अनुभव छ। उनीसँगै, सुएन एजुकेशनका म्यानेजिङ डायरेक्टर र शिक्षक सुनिल महर्जन पनि विद्यार्थीलाई मार्गदर्शन गर्न उपस्थित हुनेछन्।

सुनिल महर्जनले जापानमा १२ वर्ष (२००६–२०१८) बसोबास गरेका थिए। उनले शंकर देव क्याम्पसबाट MBS र जापानको डाइतो बुन्का युनिभर्सिटीबाट मास्टर डिग्री हासिल गरेका छन्। उनी जापानी भाषा J.TEST प्रि-B (JLPT N1 बराबर) र TOEIC (Japan) मा दक्ष छन्।

याङ्चेन र सुनिल दुवैले विद्यार्थी तथा अभिभावकलाई फेयरमा सहभागी हुन आग्रह गरेका छन्। यो कार्यक्रम विदेश अध्ययनको चाहना राख्ने विद्यार्थीका लागि एकै स्थानमा सबै जानकारी प्राप्त गर्ने सुनौलो अवसर हुनेछ।

थप जानकारीको लागि तलको लीङ्कमा जानुहोस्।

https://www.facebook.com/share/v/1HoHvJgzi5