काठमाडौं — ‘Immigration & University Fair 2026’ काठमाडौंमा सफलतापूर्वक सम्पन्न भएको छ। यही फागुन ५, ६ र ८ गते पुतलीसडक, काठमाडौंमा आयोजना गरिएको उक्त मेलामा विद्यार्थी, शैक्षिक परामर्शदाता तथा अन्तर्राष्ट्रिय विश्वविद्यालय प्रतिनिधिहरूको उल्लेखनीय सहभागिता रहेको थियो। मेलाले न्यूजिल्याण्डमा उच्च शिक्षा तथा आप्रवासनसम्बन्धी अवसरबारे जानकारी लिन चाहने विद्यार्थीहरूलाई एउटै छानामुनि उपयोगी मञ्च प्रदान गरेको थियो।

कार्यक्रममा बोल्दै Himanshu Rai (LIA 201501323), CEO and Senior Licensed Immigration Adviser at Immigration Advisers New Zealand Ltd., ले विद्यार्थीहरूका लागि सही सूचना र पारदर्शी परामर्श अत्यन्त आवश्यक रहेको बताए।
उनले भने, “नेपाली विद्यार्थीहरूमा उत्कृष्ट क्षमता छ। सही शैक्षिक मार्गदर्शन र विश्वसनीय आप्रवासन परामर्श प्राप्त भएमा उनीहरूले न्यूजिल्याण्डमा उज्ज्वल भविष्य निर्माण गर्न सक्छन्। यस्ता मेलाले विद्यार्थी र विज्ञबीचको दूरी घटाउन महत्वपूर्ण भूमिका खेल्छन्।”

मेलाको विशेष आकर्षणका रूपमा Dr. Jeffrey Stangl, Associate Dean – Executive Education & Director of Massey Executive Development, को एकदिने विशेष अन्तरक्रिया सत्र आयोजना गरिएको थियो। उक्त सत्रमा उनले कार्यकारी शिक्षा, नेतृत्व विकास तथा अन्तर्राष्ट्रिय शैक्षिक अवसरबारे जानकारी दिएका थिए।

कार्यक्रममा उपस्थित Ms. Pooja Malik, Country Lead for Massey University, New Zealand ले भनिन्, “नेपाली विद्यार्थीहरू शैक्षिक रूपमा अत्यन्त सक्षम छन्। Massey University मा उनीहरूका लागि गुणस्तरीय शिक्षा, अनुसन्धानमुखी अध्ययन र उत्कृष्ट करियर अवसरहरू उपलब्ध छन्।”

त्यसैगरी Sahil Sharma, Senior Student Recruitment Officer, AUT (Auckland University of Technology) ले भने, “AUT मा उद्योगसँग जोडिएका व्यवहारिक अध्ययन कार्यक्रमहरू छन्। नेपाली विद्यार्थीहरूले यहाँ पढाइसँगै वास्तविक सीप विकास गर्ने अवसर पाउँछन्।”

Mr. Ashish Suri, Regional Manager – South Asia, University of Waikato ले आफ्नो भनाइमा भने, “University of Waikato ले अन्तर्राष्ट्रिय विद्यार्थीहरूलाई सहायक सिकाइ वातावरण र उच्चस्तरीय शैक्षिक सुविधा प्रदान गर्दै आएको छ। नेपाली विद्यार्थीहरू हाम्रो विश्वविद्यालयका लागि महत्वपूर्ण छन्।”

Ms. Riddhi Khurana, Country Advisor (South Asia), University of Otago ले भनिन्, “University of Otago अनुसन्धान र अकादमिक उत्कृष्टताका लागि परिचित छ। नेपाली विद्यार्थीहरूका लागि यहाँ विविध विषय र छात्रवृत्ति अवसरहरू उपलब्ध छन्।”

यसैगरी Ms. Nisha Arora, Regional Recruitment Adviser (South Asia), University of Auckland ले भनिन्, “University of Auckland विश्वका अग्रणी विश्वविद्यालयहरूमध्ये एक हो। नेपाली विद्यार्थीहरूले यहाँ अन्तर्राष्ट्रिय स्तरको शिक्षा र उज्ज्वल भविष्य निर्माण गर्ने अवसर पाउँछन्।”

मेलामा सहभागी विद्यार्थीहरूले विश्वविद्यालय तथा विषय छनोट, NZD 10,000 देखि 15,000 सम्मका छात्रवृत्ति अवसर, भिसा प्रक्रिया तथा आप्रवासनसम्बन्धी स्पष्ट जानकारी प्रत्यक्ष रूपमा प्राप्त गरेका थिए। विश्वविद्यालय प्रतिनिधि तथा इजाजतप्राप्त सल्लाहकारसँगको एक–एक परामर्श सत्रलाई विद्यार्थीहरूले अत्यन्त उपयोगी बताएका छन्।

आयोजकका अनुसार, Immigration & University Fair 2026 को सफल समापनले नेपाली विद्यार्थीहरूमा अन्तर्राष्ट्रिय गुणस्तरीय शिक्षाप्रति बढ्दो रुचि र विश्वसनीय परामर्शको आवश्यकता झल्काएको छ। व्यापक सहभागिता र सकारात्मक प्रतिक्रियासहित कार्यक्रम सम्पन्न भएसँगै यो मेला न्यूजिल्याण्ड केन्द्रित सबैभन्दा प्रभावकारी शैक्षिक मेलामध्ये एक बनेको आयोजकको दाबी छ।