हाम्रो राष्ट्र
काठमाडौं : रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले काठमाडौं केन्द्रित चुनावी अभियान औपचारिक रूपमा सुरु गरेको छ। शनिबार बिहानै पवित्र स्थल पशुपतिनाथ मन्दिर परिसरबाट प्रारम्भ गरिएको यस अभियानलाई पार्टीले ‘घण्टी अभियान’ नाम दिएको छ।
अभियानको सुरुवातसँगै नेता–कार्यकर्ता र समर्थकहरूको उल्लेखनीय सहभागितामा र्याली अघि बढाइएको थियो। दिनभरि काठमाडौं उपत्यकाका प्रमुख सडक तथा चोकहरूमा अभियान चलाउने योजना रहेको पार्टीले जनाएको छ।
कार्यक्रममा बालेन शाह लगायतका शीर्ष नेताहरूको उपस्थितिले उत्साह थपेको छ। समर्थकहरूले ‘घण्टी’ चुनाव चिन्हसहित नाराबाजी गर्दै आकर्षक र रंगीन चुनावी माहोल सिर्जना गरेका थिए।
अभियानको समापन साँझ काठमाडौंको बनस्थली चोकस्थित पार्टीको केन्द्रीय कार्यालय, ‘घण्टी घर’ मा गरिने कार्यक्रम तय गरिएको छ। यस अभियानमार्फत रास्वपाले उपत्यकामा संगठन सुदृढीकरण, मतदाता भेटघाट र चुनावी एजेन्डा सार्वजनिक गर्ने उद्देश्य लिएको बताएको छ।
© 2026 All right reserved to hamrorastra.com | Site By : SobizTrend
