काठमाडौं : ग्राफिक एरा (डीम्ड टु बी युनिभर्सिटी) ले iEducationalize को सहकार्यमा काठमाडौंस्थित र्‍याडिसन होटलमा ग्राफिक एरा प्रिन्सिपल मिट २०२६ सफलतापूर्वक सम्पन्न गरेको छ। कार्यक्रममा नेपालका विभिन्न प्रतिष्ठित विद्यालय तथा कलेजका प्रिन्सिपल, शैक्षिक नेतृत्वकर्ता तथा शिक्षा क्षेत्रसँग सम्बन्धित व्यक्तिहरूको उल्लेखनीय सहभागिता रहेको थियो।

कार्यक्रमको उद्घाटन तथा स्वागत मन्तव्य दिँदै iEducationalize की संस्थापक शिखा गुप्ताले उपस्थित सम्पूर्ण प्रिन्सिपल, शिक्षक तथा अतिथिहरूलाई स्वागत गरिन्। उनले नेपाल र भारतबीचको शैक्षिक सम्बन्ध थप मजबुत बनाउँदै नेपाली विद्यार्थीहरूलाई गुणस्तरीय उच्च शिक्षा, करिअरमुखी कार्यक्रम तथा अन्तर्राष्ट्रिय स्तरको अवसर उपलब्ध गराउने उद्देश्यले यस्ता कार्यक्रमहरू महत्वपूर्ण रहेको बताइन्।

उनले भनिन्, “ग्राफिक एरा विश्वविद्यालयले शिक्षा, अनुसन्धान, नवप्रवर्तन तथा विद्यार्थी करिअर विकासमा उत्कृष्टता कायम गर्दै आएको छ। नेपाली विद्यार्थी तथा शैक्षिक संस्थाहरूलाई अन्तर्राष्ट्रिय स्तरको शिक्षासँग जोड्न पाउँदा हामी उत्साहित छौं।”

कार्यक्रममा ड. दीपक कौशल, ग्राफिक एरा (डीम्ड टु बी युनिभर्सिटी) को व्यवस्थापन विभागका प्राध्यापकले विश्वविद्यालयको शिक्षण पद्धति, विद्यार्थी केन्द्रित सिकाइ प्रणाली, नेतृत्व विकास र आधुनिक शैक्षिक दृष्टिकोणबारे विस्तृत प्रस्तुति दिएका थिए। उनले संस्थाको पाठ्यक्रम संरचना, उद्योगसँगको सहकार्य, व्यवहारिक शिक्षा, अनुसन्धान संस्कृति तथा विद्यार्थीको समग्र विकासमा विश्वविद्यालयले अपनाइरहेको रणनीतिबारे जानकारी गराए।

ड. कौशलले विश्वव्यापी प्रतिस्पर्धालाई ध्यानमा राख्दै ग्राफिक एराले समयअनुकूल शिक्षण पद्धति र नवीनतम शैक्षिक अभ्यासहरू निरन्तर विकास गर्दै आएको उल्लेख गरे।

ग्राफिक एरा विश्वविद्यालयको टोलीले कार्यक्रममा विश्वविद्यालयका शैक्षिक उपलब्धि, आधुनिक पूर्वाधार, प्लेसमेन्ट सफलता, अन्तर्राष्ट्रिय सहकार्य तथा विद्यार्थी सहयोग सेवाबारे पनि जानकारी दिएको थियो। टोलीले सुरुदेखि नै नेपालमा निरन्तर शैक्षिक गतिविधि, अन्तरक्रिया कार्यक्रम तथा विद्यार्थी परामर्श कार्यक्रम सञ्चालन गर्दै आएको बताएको छ।

नेपालका विद्यालय तथा कलेजका प्रिन्सिपलहरूका लागि यो कार्यक्रम प्रत्यक्ष रूपमा विश्वविद्यालय प्रतिनिधिसँग संवाद गर्ने, उच्च शिक्षाका नयाँ प्रवृत्तिबारे जानकारी लिने तथा सम्भावित सहकार्यका अवसरहरू खोज्ने उत्कृष्ट प्लेटफर्म बनेको थियो।

कार्यक्रम अन्त्यमा सहभागी प्रिन्सिपल तथा शैक्षिक नेतृत्वकर्ताहरूबीच नेटवर्किङ, विचार आदानप्रदान तथा भविष्यका सहकार्यबारे छलफल गरिएको थियो।